منة فضالي باكية: أبويا مش بيحبني ولي أخوات ما أعرفهمش ولا عمري شفتهم (فيديو)
قالت الفنانة منة فضالي: "ليَّ إخوات من بابا منهم أخ بيلعب مزيكا وشغال في أوروبا، وعندي واحد بيلعب تنس وباسكت وكان محترف في أمريكا، ودول اللي أعرفهم واتنين من زوجة تالتة ما أعرفهمش ولا عمري شُفتهم".
علاقة منة فضالي بأشقائها
وأضافت خلال لقائها ببرنامج "في آي بي" الذي تقدمه الإعلامية أميرة بدر بقناة "هي": "أنا كبرت واتعلمت أبقى قوية واتربيت أبقى لوحدي، ومش خسرانة إن إخواتي يكونوا بعيدين عني".
والدة منة فضالي
ولفتت منة فضالي: “أمي ست بـ100 راجل وتبعت جدًّا معايا وكانت ست مكافحة وبتشقى وتتعب علشان تكبرني وما تحرمنيش من أي حاجة، أنا ما كنتش بشوف ماما خالص ببقى نايمة علشان عندي مدرسة الصبح، وهي كانت ماسكة شركة مدرب كاراتيه ياباني وتتولى رعايتي وتربيتي وأبويا ما كانش موجود في الصورة خالص”.
نصيحة منة فضالي لصديقاتها
وتابعت: "أنا عندي أصحابي بيتطلقوا قريب، فقلت لهم حاولوا ما تطلقوش علشان اللي بيدفع الثمن الأطفال، وقلت لهم أنا كنت صغيرة جدًّا ونفسيتي كانت تعبانة من عدم وجود أبويا جنبي".
وأردفت: "أي أب بيخسر ولاده في فترة طفولتهم هو بيخسرهم طول العمر، ومش هيعرف يرجعهم ليه تاني، أنا بحب أبويا لأنه أبويا بس مش هيكون قد حبي لأمي".
بكاء منة فضالي بسبب والدها
وبكت منة فضالي، بسبب فقدانها لوجود والدها بجانبها، قائلة: "عمري ما حسيت إن عنده مشاعر ناحيتي، أنا عمري ما حسيت إنه بيحبني نهائي أبدًا مع إني حاولت أقرب منه، بس هو ما ساعدنيش وكان بعيد طول الوقت، ممكن علشان أنا ما اتربتش معاه أو ما تعبش عليَّ، الحب والمشاعر والأحاسيس ما حدش بيطلبها لازم تبقى من جواه وما دام مش موجودة خلاص، وما عنديش حاجة أقولها له".
واختتمت: "من قريب كنت بعمل مسرحية في السعودية، وبابا عايش في السعودية، فكلمته وقلت له عايز أشوفك وتعالَ نتغدا مع بعض، وجالي لكن لقيت نفسي طول الوقت بقوم ومش قاعدة معاه ومش لاقية حاجة أقولها له، وهو كان عايز يحضر المسرحية، لكنه سقط من ذاكرتي فبعت لي رسالة إنه ما حضرش فاعتذرت له".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
