مي عمر تكشف موقفها الصادم من العمل مع غادة عبد الرازق (فيديو)
قالت الفنانة مي عمر:"أرفض مشاركة غادة عبد الرازق بطولة أي عمل فني بسبب خلافها مع زوجي المخرج محمد سامي".
خلاف مي عمر وغادة عبد الرازق
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"مستحيل أشتغل مع غادة عبد الرازق وخلافنا موضوع قديم".
مشكلة مي عمر مع غادة عبد الرازق
وأضافت:"لازم يبقى فيه كيميا بين الممثلين علشان يعرفوا يعملوا شغل حلو، ومعتقدش أنا وغادة نعمل شغل حلو علشان كان فيه خلاف قديم وبسببه مش هنشتغل مع بعض".
تعرض مي عمر للظلم
ولفتت مي عمر:"اتظلمت كتير وكنت بحس بالظلم زمان لما كانوا بيقولوا إن جوزها محمد سامي فرضها على الناس، بس بعد فترة بقيت أحس أن الكلام مبقاش يفرق معايا، واللي قدمني محمد سامي بس بعد أعمال كتير مينفعش نقول أنه فرضني على الناس، وشيء طبيعي ناس تحبني وناس تانية لا".
في نفس اللقاء، علقت الفنانة مي عمر، على صورة الفنانة المعتزلة حلا شيحة، قائلة: "بحبها جدا مكنتش أعرفها زمان واتعرفنا على بعض من 3 سنين ولقيتها طيبة جدا وعلى طبيعتها وده سبب مشاكلها".
مشكلة حلا شيحة
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"حلا شيحة دايما قراراتها سريعة وده سبب لغبطتها، وهي لما تبقى متلغبطة وبتاخد قرارات مش مدروسة ما بين الطلاق والزواج اعتزال التمثيل والعودة مجددا للفن".
وأضافت:"حلا شيحة محتاجة متاخدش قرارات سريعة وهتلاقي الدنيا استقرت في حياتها واللغبطة اختفت".
رأي مي عمر في أمير كرارة
وعن رأيها في الفنان أمير كرارة، علقت مي عمر:"عملت معاه مسلسل الطبال، ونسل الأغراب، وأنا بحبه جدا، وهو شخص طيب وعفوي وبقوله مبروك المسلسل الجديد وشكله مختلف ومميز".
علاقة مي عمر بـ أحمد فهمي
وعلقت علي صورة أحمد فهمي، قائلة:"ده أخويا ومن اكتر الناس صحابي في الوسط الفني ومن احلى الكواليس اللي عدت عليا كانت معاه في مسلسل ريح المدام".
وفضلت مي عمر، العمل مع الفنانة هند صبري، في أي عمل حتي لو كانت مساحة الدور صغيرة، مستبعدة ياسمين عبد العزيز ونيللي كريم.
في نفس اللقاء، قالت الفنانة مي عمر:"لو اكتشفت أن جوزي المخرج محمد سامي بيكلم واحدة صاحبتي بكل تأكيد هاخسرهم الاتنين، بس مستحيل ده يحصل".
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"مبحبش الخيانة الزوجية، وصعب أي حد يكمل بعد الخيانة".
واضافت مي عمر:"بشوف إن أي استمرار بعد الخيانة الزوجية كدب وملهوش أي معنى وما بنى علي باطل فهو باطل والعلاقة كلها بتبوظ".
نقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
