رانيا يوسف تكشف أغرب علاقة ارتباط برجل أعمال: لما رفضته هددني بالقتل (فيديو)
قالت الفنانة رانيا يوسف:"موضوع الجواز مرفوض بالنسبة لي، وأنا دلوقتي مركزة في شغلي، وفيه لاعب كرة اتقدملي وهو أصغر مني بكتير بس انا مبفكرش في تكرار التجربة".
قصص الحب لرانيا يوسف
وأضافت خلال الجزء الثاني من لقائها ببرنامج "العرافة" المذاع علي قناة "النهار":"كان فيه 3 قصص حب قبل كده، ومنهم واحد هددني بالقتل لما رفضته، وقلت له أنا مش مرتاحة ومش عايزة اكمل العلاقة ومش سعيدة بالجوازة دي، وده حصل بعد 10 شهور من التعارف، فضل ورايا 4 سنين وقلت اديله فرصة يمكن يطلع رجل كويس بس أنا مكنتش مرتاحة".
أغرب علاقة عاصفة لرانيا يوسف
وتابعت:"تصرفات الراجل اللى هددني بالقتل بعد لما رفضته اتجوزه كانت غريبة أوي، وفيه حاجات كتير كانت ملخبطاني وانا بحب اعيش حياتي في هدوء إنما هو كان بتاع شو".
في الجزء الأول من نفس اللقاء، قالت الفنانة رانيا يوسف:"كان بيجيلي عرسان وانا متجوزة ومش شايفاها إهانة لأي شخص اتجوزته، والموضوع كان بيجيلي بشكل غير مباشر عن طريق صديقة ليا".
مشكلة الحب مع رانيا يوسف
وتابعت خلال لقائها ببرنامج "العرافة" المذاع علي قناة "المحور":"انا في الحب بنجرف بسرعة لإن احساسي وعواطفي بتسبق العقل عندي".
ندم رانيا يوسف عن زيجاتها
ولفتت رانيا يوسف:"تمنيت لو لم اتزوج للمرة الثانية والثالة، وللأسف فشلت في 3 جوازات، وفيه زميلات فشلوا في 5 و7 جوازات، انا لسه معملتش الرقم القياسي بتاعهم".
سر الزيجة الثانية والثالثة لرانيا يوسف
وأشارت:"الزيجة الثانية والثالثة كانوا لأسباب شخصية لما حصل الإنفصال بيني وبين محمد مختار خفت علي سمعتي وكلام الناس وعندي بنات وانا لسه صغيرة وكان فيه الحاح من اهلي اني لسه صغيرة ولازم تتجوزي، بس وقفت العداد عند الجوازة الثالثة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
