نجيب ساويرس: الأرقام المنشورة عن ثروتي خاطئة وبحب مجال البناء والتشييد (فيديو)

قال رجل الأعمال المهندس نجيب ساويرس: "في العائلة بيعتبروني مندفع وباخد المخاطرة، بس أنا مش مقامر، ولكن أنا مستعد أخد المخاطرة بشكل كبير جدا، وكل القطاعات اللى شغال فيها ليها مستقبل من مقاولات ومعادن، وأكتر مجال بحبه البناء والتشييد لأني بحب أبني الحاجة اللى بنيتها وافرح الناس اللى اشترت عندنا".

حقيقة ثروة نجيب ساويرس

وأكد خلال لقائه مع الإعلامية نايلة تويني: "كل ما ينشر من أرقام ومليارات الدولارات عن ثروتي غلط".
 

نظرة نجيب ساويرس للنساء

ولفت: "أنا بحب الستات ولو شُفت أي واحدة حلوة انشرح، بس ده مش كفاية، يعني أنا بالنسبة لي الست الغبية تغور بحلاوتها لأن الغباء دا يمحو كل حاجة حلوة عند الست، ومحبش الست الغبية، المرأة هي اللى بترطب الحياة وتدي فرحة في الحياة وهي الأم والرفيقة والزوجة، وفي الشغل عندي تلاقي فيه 3 أو 4 ستات في مكتبي دايرين عني حياتي كلها، وأؤكد أن والدتي الإنسانة الوحيدة اللي أعرفها معندهاش ذنوب، وهي متدينة بدرجة كبيرة وبتؤمن بالمسيح إن ربنا ضحَّى بالمسيح علشان ذنوبنا، وهي بتحسن لمن يشتمها وتقوله ربنا يسامحك، ومبتفوتش صيام ولا صلاة وبتقرأ الإنجيل كل يوم وبتروح الكنيسة كل يوم أحد، وتكلمني كل يوم علشان فيه واحد مظلوم في حتة أو عايزة تعالج حد".
ولفت: "والدي كان صديقي واتعلمت منه البيزنس وهو كان طيب وبياخد باله من الناس وشُفت صدقه في التعامل وخفة دمه وعلاقتي بيه كانت قريبة جدا".

أبرز الأفلام المفضلة لنجيب ساويرس

وعن الأفلام التي يحب مشاهدتها، علق ساويرس: "أنا بحب فيلم لعبة الست للفنان الراحل نجيب الريحاني، وفيلم الكيت كات".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.