ياسمين نيازي: طفشت عريس علشان راح طلبني من ماما ومقاليش.. وكلبي هو صديقي
قالت الفنانة ياسمين نيازي:"طفشت عريس عمل حاجة استفزتني، هو دخل البيت من بابه إنما لما تجاوزني وراح يطلب يتجوزني من ماما عملت له بلوك علطول".
مشكلة عريس ياسمين نيازي
وتابعت خلال لقائها ببرنامج “كلام الناس” الذي تقدمه ياسمين عز، المذاع علي قناة “mbc مصر”:"كان المفترض العريس اللى عايزني يكلمنى انا الأولي مش علشان خايف مني يروح لماما علطول كان المفروض يقولي انا".
استفزاز ياسمين نيازي
وأضافت:"العريس ده استفزني جدا بطريقته وبعد كده اتصلت بيه واديته اللى فيه النصيب وطفشته، ويمكن علشان مكنتش حباه رفضته".
قصة حب ياسمين نيازي الفاشلة
ولفتت:"انا عايزة يوم ما البس الدبلة مقلعهاش واكون مقتنعة بالفرعون الللى اتجوزه وارتبط بيه"، مشيرة:"كنت في علاقة قبل كده وبحب جدا واتخطبت له ولكن بعد المعاشرة فترة مرتحتش وان مش هعرف ادي لحد مشاعر بزيادة عن طاقتي واخاف اظلمه".
صديق ياسمين نيازي الوفي ومرض الأعصاب
ولفتت ياسمين نيازي:"أنا صاحبي هو كلبي، وفعلا الكلب بتاعي صديق وفي ليا، وفي فترة مرضي وجالي التهاب اعصاب بسبب الزعل، ولسه بتعالج من مرض التهاب الأعصاب والدكتور قاللى حرام عليكي نفسك وزعلت لما عملت حاجة بضمير ومتقدرتش ودي كانت حاجة في الشغل، كان مشاعره حلوة اوى وربنا فعلا مبيخلقش حاجة وحشة، وعلشان كده بقول للناس اللى عايزه تسم الكلاب هما فعلا احسن مننا بكتير، وأوفياء ومشاعرهم صادقة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
