تامر أمين يفتح النار على مرتضى منصور: الموضوع زاد عن حده والناس بتسأل فين الدولة

هاجم الإعلامي تامر أمين، رئيس نادي الزمالك المستشار مرتضى منصور، قائلًا: "الموضوع زاد عن حده وزي ما قالت أم كلثوم إنما للصبر حدود لكن واضح إننا تجاوزنا الحدود بكتير والأمر بقى بلطجة وصوت عالي وفرد دراع وإهانة لكل الناس".
 

تجاوزات مرتضى منصور

وأضاف خلال برنامج "آخر النهار" المذاع على قناة "النهار": "إزاي بنحافظ على بلدنا الحلوة الجميلة اللي كانت طول الوقت مثال للقيم والأخلاق ويجي واحد يدمر الأخلاق كدا، دا احنا في الإعلام الشركة المتحدة للخدمات الإعلامية المحترمة وكل الشاشات المصرية عاملين حملة أخلاقنا الجميلة، ويجي بالليل لوحده مرتضى منصور يهد أخلاقنا الجميلة والحميدة ويولع فيها بجاز شتائم وسباب وخوض في العرض وقذف في السمعة وكل حاجة شمال بتتعمل ولا حياة لمن تنادي ولا ضابط ولا رقيب له على ما يفعل، لدرجة إن الناس بتسأل هو مرتضى منصور فوق المحاسبة والقانون ودولة جوا الدولة، عايزين نعرف أن فيه حد فوق القانون والمحاسبة".

الهجوم على حازم إمام والرموز

وتابع:" إما أن كلنا نتسب بأمهاتنا وآبائنا ونخاض في أعراضنا وكله لا يسلم، طيب حازم إمام ذنبه إيه إنه يتشتم ويسب بهذا الشكل في قناة الزمالك واحد من أيقونة وأساطير الزمالك وواحد من أنجبت الكرة المصرية يتشتم ويتسب له ليه علشان إيه؟ ومين يجيب له حقه؟ لو حازم ميعرفش بلطجة والصوت العالي يبقى حقه ضاع وحقنا كلنا ضاع، وأنا عارف إني أنا هطلع على المسرح في قناة الزمالك وهيتقال لكم إني حرامي وأمي مرتشية وأخويا فاسد مش عارف إيه وأنا راضي، لإنه أنتوا عارفين الحقيقة وإذا جاءت مذمتي من ناقص فهي مكرمة، لكن لإمتى السكوت على وضع الرياضة المصرية  الحالي، وصلنا لمرحلة أن بقى فيه إهانة للدولة المصرية وبقينا مضحكة في الأوساط الكروية العالمية".

رسالة غامضة من حازم إمام بعد هجوم مرتضى منصور عليه: إيه كمية الغل والافتراء اللي عندك

أول رد من مرتضى منصور على عدم قيد صفقات الزمالك الجديدة

رسالة حازم إمام

نشر حازم إمام نجم الزمالك السابق وعضو مجلس إدارة اتحاد الكرة رسالة غامضة عبر حسابه الشخصي على موقع التواصل الاجتماعي "فيسبوك".

وجاء مضمون رسالة الثعلب الصغير كالآتي:

“طبعًا كل اللي اتقال دا أي كلام وكذب كالعادة والله العظيم ولا حد كلمني، نفسي أعرف إيه كمية الغل والافتراء اللي عندك، هتموت وتكره الناس فيَّ، بتتبلى على الواحد وحاشر اسمي في أي حاجة نفسي مرة تقول إنك غلطت مش لازم تشيل الناس غلطاتك، حسبي الله ونعم الوكيل”.

تدوينة حازم إمام

الإثنين الماضي شن مرتضى منصور رئيس الزمالك هجومًا عنيفًا على حازم إمام عضو مجلس إدارة اتحاد الكرة، موضحًا أن هناك عددًا من الأشخاص المحسوبين على حساب النادي وهدفهم الوحيد تدهور نادي الزمالك قائلًا: "حازم إمام مثلًا هيموت ويبقى رئيس نادي".

وقال مرتضى منصور في تصريحات تلفزيونية، “يا حازم إمام عارف مين اللي معينك، دا عيل بيلعب، وأنا اللي جايبه، عايزك تهدا، أنت مش هتيجي رئيس لنادي الزمالك طول ما أنا موجود".

اشتعال أزمة قيد لاعبي الزمالك مع اتحاد الكرة 

أزمة القيد في الزمالك، أصدر اتحاد الكرة المصري قبل قليل بيانًا رسميًّا يوضح من خلاله تفاصيل الساعات الأخيرة في أزمة قيد صفقات الزمالك الجديدة قبل غلق باب القيد لموسم الانتقالات الشتوية منتصف ليل الأربعاء.

ونقدم لكم من خلال وقع (فيتو) ، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.