نجوم فن استطاعوا محاربة السرطان.. سمية الألفي: لا أعرف مصدر الشائعات حول مرضي
سمية الألفي، تصدرت الفنانة سمية الألفي مؤشر البحث جوجل ومواقع التواصل الاجتماعي خلال الساعات القليلة الماضية، بعد حديثها عن آخر تطورات حالتها الصحية بعد معاناتها مع مرض السرطان.
وبعد تصدر الفنانة سمية الألفي الترند، ترصد فيتو من خلال السطور التالية أبرز النجوم الذين حاربوا مرض السرطان.
سمية الألفي
كشفت الفنانة سمية الألفي، آخر تطورات حالتها الصحية بعد معاناتها من الإصابة بمرض السرطان، مؤكدة: تعافيت بشكل كامل من مرض السرطان.
وأضافت خلال مداخلة هاتفية ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "بعد مرور سنة على جراحة استئصال السرطان والفحوصات كلها أثبتت أن كله تمام وتعافيت من المرض".
رسالة سمية الألفي لجمهورها
وأضافت سمية الألفي: “أنا مندهشة جدا من اللى حاصل النهاردة وقلت للناس أنا كويسة ولا صحة لمصدر الشائعات عن مرضي، ولكن أنا بتابع بعد الشفاء من السرطان والمتابعة كل شهر وربنا كريم”.
سمية الألفي ترد على شائعات مرضها
وتابعت:"أتمنى مرض السرطان ميرجعش ليا تاني، وأشكر كل الناس اللى عايزة تطمئن على ولكن مكنتش عايزاهم ينزعجوا من الأخبار اللى مش حقيقية عني، ولم أعلن قبل ذلك تفاصيل مرضي أو علاجي أو ما أمر به".
أصعب سنة مرت على سمية الألفي خلال مرضها
وأكملت: "قالوا إن الكلى بتاعتي تعباني وفيه تأليف عن حالتي الصحية، ولكن أنا مريت بسنة صعبة في 2022 خلال إصابتي بالسرطان وأتمنى محدش يمر بيها وأتمنى لكل الناس السلامة، والسرطان مرض صعب أوي والتعافي منه أصعب والعلاج بتاعه أصعب وأصعب، ومرت علىّ سنة من أثقل السنوات علي عمري بس الحمد لله ربنا كبير ووقوف أحمد وعمر جنبي وأصدقائي وزملائي وزميلاتي والناس كلها والدعم اللى شوفته من كل اقاربي وعائلتي دعمني وأثر جدا في الشفاء من المرض".
حقيقة عودة سمية الألفي للتمثيل
وأكملت:"مفتكرش إني أخوض الفترة اللى جاية أي أعمال فنية ولكني لن أبتعد عن الشاشة الصغيرة".
إليسا تحارب السرطان
وفي عام 2017 أعلنت النجمة اللبنانية إليسا عن إصابتها بمرض سرطان الثدي بعد طرحها كليبها الشهير “إلى كل اللي بيحبوني”
وظلت تحاربه لمدة ثماني أشهر وبعد تعفايها بشكل كامل وجهت رسالة لجمهورها قائلة:" أنا تعافيت قاومت المرض وغلبته".
سرطان الفنانة ياسمين غيث
وفي عام 2016 أعلنت الفنانة ياسمين غيث إصابتها بمرض السرطان وأكدت أنها ستستمر في العلاج منه لمدة 7 سنوات.
و في عام 2021 تحدث الفنانة ياسمين غيث عن معاناتها مع مرض السرطان وذلك من خلال حسابها الشخصي عبر موقع تبادل الصور والفيديوهات “إنستجرام”.
وقالت الفنانة ياسمين غيث وقتها: "الحمدلله 5 سنين سرطان حياة على كف عفريت زي ما بيقولو لمدة 5 سنين، اللي اتقال لي أن أول 5 سنين همه أكتر 5 سنين critical ولازم نتابع علشان الـcancer ما يرجعش لسه مش مصدقة، مش عارفة حصل إزاي صعب وعدوا بصعوبة...قوي...ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزه يحصل لي كدة تاني والنبي يا رب".
وأضافت الفنانة ياسمين غيث قائلة :" بخاف، بعمل check up كل 6 شهور، and it never gets easier...كل مرة نفس الإحساس ونفس الخوف، عدم إحساس بالأمان اللي كنت حاسة بيه زمان وواخداه for granted، كل مرة الدكتور بتاعي يقول لي ماتخافيش، لو عدا أول خمس سنين من غير ما ييجي تاني يبقي بإذن الله مش هييجي تاني، وجه اليوم ده، بعد خمس سنين، من يوم 6/9/2016...اليوم اللي عرفت فيه إني عندي سرطان واليوم اللي عملت فيه العملية".
وتابعت ياسمين :" عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت...قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش إتغيرت، بقيت أوجع وعندي قلم أكتر بس أقوى وواثقة من نفسي أكتر، بقيت بساعد غيري وبدي اللي حواليا أمل".
واستطردت:" حبيت كل حاجة أكتر من الأول ومسكت في الحياة أكثر وابني روح قلبي كان أملي إني أكمل وأعيش علشان مكنتش قادرة أقبل فكرة إني ما شفوش بيكبر، ألف حمد وشكر ليك يارب عدد كل حاجة خلقتها، مهما شكرتك وحمدتك وعملتلك، عمره ما هيبقى كفاية! شكرًا إني لسه عايشة وبعافر...شكرًا على أكبر نعمة في حياتنا، اللهم ديم علينا جميعا يا رب نعمة الصحة".
واختتمت الفنانة ياسمين غيث قائلة:" أصعب 5 سنين عدوا، فاضل 2 علشان أخلص بقيت علاجي....أيوة علاجي لمدة 7 سنين".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبي
