المطربة سمية درويش: الحياة خدتني كتير عن الفن اللي بحبه والذوق العام اختلف تماما
كشفت المطربة سمية درويش سبب قلة أعمالها وابتعادها عن الساحة الفنية خلال الفترة الماضية.
وقالت المطربة سمية درويش في تصريح خاص:" من ناحية قلة أعمالي خلال الفترة الماضية أنا حصل لي ظروف ورجعت وغنيت بعدها اعتزلت ورجعت مجددا".
وأضافت: “الحياة خدتني بشكل كبير عن الفن الذي أحبه مع كمان أني مفيش دعم، وطبعا المجال الفني اختلف تماما والذوق العام اختلف تماما فـ أنا طبعا أصبحت مشتتة ومبقتش عارفة أعمل أيه اللي ممكن يخليني ناجحة ومتواصلة مع الناس”.
خلاف سمية درويش وشيرين
وعلى جانب آخر، كشفت المطربة سمية درويش حقيقية خلافها مع النجمة شيرين عبد الوهاب، قائلة: “بالنسبة لموضوع شيرين عبد الوهاب أنا بكن لها كل الاحترام والتقدير وأحبها كثيرا ولم يحدث بيني وبينها أي خلاف ولا مشكلة ولا عمري شوفتها بشكل مباشر”.
موقف شيرين وسمية
وأضافت المطربة سمية درويش في تصريح خاص: “وأنا حكيت موقف حصل في 2007 أو 2008 اللي هو أني كنت أغني في مكان ما وصورتي كانت محطوطة في المكان دا وشيرين كان عندها حفلة في نفس المكان دا بعدي بأيام قليلة وقالت “شيرين” شيلوا صورتها من جنب صورتي لأن ذلك الوقت تردد بشكل كبير أنني في منافسة مع شيرين فمن الممكن أنها تكون قد استاءت مني وقتها وأنا ليس عندي مشكلة في ذلك”.
وأكملت:"ولكن أنا ماقولتش أنها تغير مني ولا أنها تعلن حرب عليا ولا قولت أن في بيني وبينها مشاكل وبتمنلها كل الأحترام وبتمني الخير للجميع وأنا مركزة مع نفسي وأنا مش بتكلم دلوقتي عشان أطلع تريند ولكن أنا جتلي الفرصة أني أتكلم و الموقف اللي أنا حكيته دا حقيقي وأنا متبلتش على حد".
موقف قديم
وأضافت “سمية”:"وهذا موقف قديما ولم يجعلني تريند ولو أنا كنت عايزة أتكلم فيه كنت أتكلمت فيه من زمان وهو موقف قديم أصلا ولكن فيه حجات كتير ممكن تطلعني تريند وكلام كتير ممكن يطلعني تريند وحجات بسيطة ممكن أعملها وتطلعني تريند ومش شيرين عبد الوهاب اللي هتطلعني تريند وأنا لا أهتم بالذي يسئ لي بسبب شيرين و أنا لم أشبه نفسي بأحد أنا سمية درويش والحمدالله ليا ناس بتحب صوتي وعندي ناس بدعمني وإن شاء الله أكون في المكان اللي عايزة أتحط فيه".
