آيتن عامر تكشف عن صدفة وراء دخولها التمثيل | فيديو
قالت الفنانة آيتن عامر: "بداية دخولي عالم التمثيل كانت غريبة جدًّا، أنا كنت بتستخبى في شنة عربية وفاء عامر علشان أروح معاها التصوير خاصة وهي رايحة المسرح".
نجوم التسعينيات
وأضافت خلال لقائها ببرنامج "سهرانين" الذي يقدمه الفنان أمير كرارة بقناة "أون إي": "كنت بحب أروح مع أختي وفاء عامر المسرح لأنها كانت بتشتغل مع صلاح عبد الله وأحمد آدم وحسين الشربيني وكوكبة من الفنانين في فترة التسعينيات، ووقتها كان عمري 6 أو 7 سنين".
حب المسرح
وتابعت: "وأنا صغيرة وبشوفهم في الكواليس كنت بتفاعل مع الممثلين اللي موجودين على المسرح ولما يجيلي إفيه أقول لوفاء عامر ردي على أحمد آدم كده، وهي كانت بتحبني جدًّا وتقول لي أستخبى في شنطة العربية على طول وادخلي معايا".
العمل في الإعلانات
ولفتت: "عملت الإعلانات وأنا صغيرة وكانت شيري عادل السبب لما ما قدرتش تيجي فخدوني مكانها وعملت ساعتها 4 إعلانات وبعدين وقتها ما فكرتش في تمثيل".
أول عمل فني
وأشارت:"دخلت التمثيل بالصدفة، لما كانت وفاء عامر بتصور في مسلسل ملح الأرض مع الفنان محمد صبحي، ووقتها كانوا بيدوروا علي بنت ملامحها تبان طفلة لسه صغيرة في إعدادي، ولما عديت قدام محمد صبحي قال لي دي تنفع جدًّا وقالوا لي وفاء عامر تذاكر لك الدور، وصورت 9 مشاهد منهم مشهدين متبكلمش فيهم، وأول يوم تصوير ليا كنت مبترجلة، بس الفنان محمد صبحي ساعدني اني انجح في اتقان التمثيل بالخطوات".
