كشفها إبراهيم عبد المجيد.. حكاية سائق أثارت تصرفاته رعب صحفية بطريق السويس
حالة من القلق الشديد انتابت الكاتب والروائي إبراهيم عبد المجيد، بسبب سائق، بإحدى شركات النقل المعروفة، كان يقود سيارته الأجرة تحت تأثير المخدرات، مُعرضًا حياة صحفية للخطر وسبب لها رعبًا شديدًا بسبب نظراته وتصرفاته الغريبة.
سائق يهدد حياة صحفية
بدأت الحكاية، التي وصف إبراهيم عبد المجيد تفاصيلها بالمرعبة، عندما قامت الصحفية مديحة زكي زوجة الإعلامي حسين عبد الغني باستئجار سيارة أجرة، من إحدى شركات النقل المعروفة، في وقت متأخر من الليل بسبب انشغالها بعملها، لم تكن تعلم أن السائق كان تحت تأثير المخدرات.
حكاية مرعبة
وكتب إبراهيم عبد المجيد تغريدة على تويتر عبر فيها عن مخاوفه قائلًا: "شيروا ياجماعة رجاء. دا حصل من سواق اوبر uperمع الصحفية الكبيرة Madiha Zaki زوجة الاعلامي حسين عبد الغني وعرفت تتصرف طيب غيرها حيعمل ايه؟
1- "صباح الخير.. امبارح بليل اتعرضت لموقف يخوف جدا..اتأخرت في الشغل وركبت اوبر بليل علشان اروح من مصر الجديدة للتجمع.. ركبت العربية"
واستطردت في سرد الحكاية قائلة: "وكان الراجل بيحط قطرة وبيشرب سيجارة في نفس الوقت وقافل الشبابيك فطلبت منه يفتح الشبابيك علشان دخان السجاير قالي بس مش هارمي السيجارة لانها بقت بخمسة جنيه.. قلت يا بنت اسكتي واخلصي، كان عمال كل شوية يتلفت ويبص لي ويضحك، كنت انا عاملة شير للرحلة مع بنتي علشان تشوفني فين"
وأضافت "قمت مكلماها وفضلنا نتكلم القصة كلها اخدت اقل ١٠ دقايق لقيت عربية بتزنق علينا وفتحوا الشبابيك وقعدوا يشاورا لبعض ويضحكوا جدا وقام سواق الاوبر شاور له ان على طول فقولت للسواق ايه ده ضحك جدا بصوت عالي وقعد يتلفت يكلمني وهو سايق ان الشعب المصري بيحب يتعرف على بعضه"
نظرات غريبة وضحكات عالية
وتابعت "وانه ما يعرفش الراجل الثاني ده لكن اهه بيونسنا.وابتدى الجو يبقى اغرب وبقى بيجري بسرعة لقيت عربية واقفة على طريق السويس عطلانه وراجل واقف بيصلحها قلت له ده جوزي واقف حالا علشان انزل له تنح شوية قمت شخطت فيه وفتحت باب العربية قام واقف ونزلت على طريق السويس وطبعا العربية"
وقالت "التانية اتفاجئت فوقف لكن ابعد مننا بحته فا نزلت في الولا شيء وطلبت اوبر تاني بعد ١0 دقايق عرفنا نوصل لبعض لان مفيش اي علامة نتقابل فيها..جالي و كان عايزني اعدي طريق السويس علشان اروح اركب و طبعا ما عملتش كده فاضطريت امشي من النقطة دي اللي هي تقريبا قبل تقاطع طريق السويس"
وتابعت حكايتها قائلة: "والدائري لاول مكان في الماظة فيه حياة وهي حاجة اسمها جاردينا وطلبت اوبر تاني.. عملت شكوى في اوبر بس لسه ما ردوش عليا لاني متأكده من ان سواق الاوبر الاولاني ده كان تحت تأثير مخدرات والله اعلم وان كان في قصة حزينة ماتحصل وربنا نجاني منها.. ارجوكم خصوصا البنات والستات"
وحذرت قائلة: "خلوا بالكم خصوصا لو بليل وطالعين طرق مقطوعة كده مش عارفة ايه اللي ممكن يتعمل زيادة تأكيد لكن خليكم منتبهين لتصرفات السواق واعملوا شير للرحلة دائما مع اهلكم وربنا ينجينا جميعا"
