فشلوا حتى في الفبركة.. ضياء رشوان يكشف أسباب الفشل الذريع لدعوات 11/11 | فيديو
قال الدكتور ضياء رشوان نقيب الصحفيين ومنسق الحوار الوطني: "دعوات التظاهر اليوم 11/11 مجهولة كانت منطلقة من خارج مصر وتزعم أنها مطالب شعب مصر".
أين ذهبت دعوات 11/11؟
وتابع خلال برنامج "مصر جديدة" المذاع على قناة "إي تي سي":"دعوات 11/11 ذكرت قبل ذلك في 2016 وكانت أيضًا يوم الجمعة بنفس الأشخاص والمنابر والاتجاهات والتوجهات وكلها من خارج مصر، ولا أريد أن أقولها أنها فشلت لأنها لم تحدث".
وأضاف: "اليوم 11/11 لا شيء غير عادي لا في وادي النيل ولا في مجمل أرض الكنانة، التاريخ يذكر أن اللي عملوا الدعوة دي اللي قاعدين في أوروبا مش واخدين بالهم إيه 11/11 في التاريخ الأوروبي بس هو فعلًا يوم شؤم عليهم، وفي 11/11/1918 كان يوم الإثنين تم وقف إطلاق النار في الحرب العالمية الأولى.
وأعلنت ألمانيا استسلامها بعد حرب 4 سنوات وهزمها الحلفاء وانهارت المانيا لحد لما قامت علشان تعمل حرب عالمية ثانية بعدها سنة 1939 لتهزم وتقسم وتبقى تحت الاحتلال والوصاية، وهذا تاريخ نهاية العدوان والدعوات المعادية لحرية الشعوب والإنسانية، وأصحاب الدعوة للتظاهر أقول لهم ربنا يديم عليهم ويبقى تاريخ مؤثر للفشل الكبير".
فشل دعوات 11/11
وأكمل: "أصحاب الدعوة في الخارج كانوا متأكدين لفشلها ولذلك لا يوجد في خارج مصر كيان واحد بمن فيهم الإخوان نفسهم دعا لـ11/11 ولا يوجد من الأشخاص إلا بضع أفراد دعا لـ11/11 وكان الكل في عقله وذهنه وتأكد داخله إنها دعوة مصيرها الفشل ولذلك محبش حد يشيل الشيلة علشان هما عارفين ان هذه الدعوة ستفشل، ليس للتحرز الأمني لمنع التخريب والفوضى، ولكن اللي منع الناس إن برغم من كل ما يشعرون به من حياة معيشية صعبة وأسعار مرتفعة فإن الناس بكل فئاتهم يعرفون ويدرك أهمية الحرص على البلد ولو ما كانش فيه بلد مش هيبقى فيه مستقبل، وفي الـ8 سنوات قطعنا شوط كويس للمستقبل، ومفيش حد يقدر يوقف الناس ولا يملى عليهم حاجة مش عايزينها".
فشل الإخوان في الفبركة
وتابع: "النهاردة حتى الفبركة معرفوش يعملوها في قنواتهم، واتعودنا قبل كده فبركة مشاهدة واصطناع مظاهرة صغيرة هنا، حتى في الفبركة فشلوا فيها النهاردة، وبالتالي العودة إلى نقطة الصفر وإعادة البلاد للخراب لن يسمح بها المصريين".
هزيمة واستسلام الإخوان
وأضاف: "اليوم 11/11 الإخوان انهزموا واستسلموا والناس مش مصدقاهم، مقدروش يحركوا واحد في العشرة آلاف من اللي بيدعوا إنهم بيتفرجوا عليهم في قنوات والإجابة إنهم مسليين ولكن الإقناع بالحركة مش موجود".
