حسين فهمي: عبد الحليم حافظ كان بيغير مني.. وهذه حقيقة زواجي من أنغام | فيديو
كشف الفنان حسين فهمي حقيقة ما تردد وأثير عن زواجه من الفنانة أنغام، وقال ضاحكا: "أنغام لذيذة جدا وبحبها وهي إنسانة راقية وفنانة جميلة.. بس الموضوع ده شائعة ومش حقيقي".
حقيقة محاربة محمود عبد العزيز
وأضاف خلال لقائه ببرنامج "حبر سري" الذي تقدمه أسما إبراهيم بقناة "القاهرة والناس": "من الشائعات اللى طلعت عليا إني حاربت محمود عبد العزيز، ومفيش فنان بيحارب حد والجمهور اللي بيقرر مين يتواجد ومين يختفي، والموهبة محدش يقدر يحاربها لأنها بتفوق الكل".
وتابع حسين فهمي: "محمود عبد العزيز كان صديقي، وبنكلم بعض على الأدوار، واشتغلنا مع بعض وكنا حبايب".
حقيقة غيرة عبد الحليم حافظ
وأردف: "عبد الحليم حافظ كان بيغير مني، واللي قاللي كده وحيد فريد مدير التصوير، قلت له أنا بتهاجم جامد أوي أول ما ابتديت، هجوم شديد يمين وشمال وبعدين أروح السينما ألاقي الفيلم هايل والناس مبسوطة وبعدين أقرأ الجرايد ألاقي مقالات هجوم فيا".
وتابع: "وحيد فريد بيقولي مبروك على النجاح اللي عملته فبقوله إزاي إنت شايف الهجوم اللي عليا، فقاللي أنت فاكر أن عبد الحليم حافظ هيسكت البنت لما تشيل صورته وتحط صورتك أكيد العندليب هيغير منك".
