بعد تصريحات عمر كمال.. ابن شقيق العندليب: عبد الحليم حافظ لن يتكرر
علق محمد شبانة ابن شقيق العندليب الراحل عبد الحليم حافظ على تصريحات مؤدي المهرجانات عمر كمال والتي قال فيها بأنه تمني أن يكون مثل العندليب.
وقال محمد شبانة في تصريح خاص لفيتو:" يمكن عمر كمال قال كدا عشان واخد العندليب قدوة له وهذا شئ كويس ، ولكن العندليب لن يتكرر، مضيفا:" ربنا أنعم عليه بنعم كتيرة جدا وصوته لن يتكرر مش هيجي زيه تاني".
تصريحات عمر كمال
وكشف مؤدي المهرجانات عمر كمال كواليسَ من حياته الخاصة والشخصية، وعلاقته بوالدته، مشيرًا إلى أنها لا تتدخل في حياته المهنية مطلقًا.
وقال عمر كمال في لقاء مع الإعلامي رامي رضوان ببرنامج مساء DMC: "أنا بعشق أمي وجزمتها فوق رأسي، بحس إن أمي بتتحرج مني لأني أكتر ولادها مشفتهاش، أنا نزلت الشارع وأنا عندي 10 سنين بعد ما أبويا ما مات، هي بتقولي إنت مش هتفلح إنت ولا شكل ولا منظر ولا صوت".
وأكد أنه لا يتحدث مع والدته في أي شيء متعلق بالغناء، قائلًا: "أمي لما كبرت حسيت إنها اتحرجت ومبقتش تكلمني في الموضوع ده لأني مافشلتش.. يعني الفلوس الكتيرة مخلتنيش أشرب سيجارة ولا أمشي في سكة غلط فهي سكتت.. وبقت مبسوطة وفرحانة بس مش بنتكلم في موضوع الغناء.. هي بتكلم عمر ابنها، لكن لو فيه تعليق من الناس بتقوله.. غير كده هي ملهاش دعوى بحياتي".
وأضاف عمر كمال: "كنت بنزل أزور عبد الحليم حافظ في المقابر بتاعته في البساتين، ووالدتي كانت تقولي إنت مجنون؟ يا ابني روح زور أبوك، إنت عامل زي القرع تمد لـ برا، إنت مالك بعبد الحليم ومالك بالناس دي كلها، بس أنا بحب عبد الحليم لأن كان في مُخيلتي إني هبقى فنان زيه".
