هل فكرت سحر رامي في الزواج بعد رحيل حسين الإمام؟ الفنانة باكية: إزاي وأنا لسه متجوزاه

قالت الفنانة سحر رامي إن زوجها الفنان الراحل حسين الإمام لا يغيب عن بالها أبدًا.

وأضافت سحر رامي في لقائها مع المذيعة ياسمين عز ببرنامج “كلام الناس”: لسه بيوحشني وما زلت مفتقداه وسأظل كذلك ولا يغيب ولن يغيب عن بالي أبدا".

وبسؤالها عن فكرة الزواج من رجل آخر بعد رحيله قالت باكية: اتجوز ازاي وأنا لسه متجوزة حسين الإمام.. سأموت وأنا حرم حسين الإمام".

اللحظات الأخيرة في حياة حسين الإمام

وفي سياق آخر تحدثت سحر رامي عن اللحظات الأخيرة في حياة حسين الإمام قائلة: "يوم وفاته كان بيعمل مسلسل في بيروت وكنا بنحتفل بعيد ميلادي بالنهار مع مجموعة من الأصدقاء، واحنا رايحين بيتنا في الطريق الصحراوي يوم السبت الصبح بندردش أنا وهو عن مستقبل سالم ابننا ويدرس في بلجيكا ونستقر معاه ونبيع كل حاجة في مصر فقلت له يا عالم مين يعيش، وبعدين دخلنا فيلتنا كان بياخد دش وبعدين لقيته بيقولي أنا مش قادر آخد نفسي وبعدين سندته على السرير وهو في حضني وفي 5 دقايق راح وأنا كنت منهارة وبصرخ فطلعوا لي أصحابي اللي كانوا معزومين في عيد الميلاد، والتشخيص جلطة مفاجئة في الشريان التاجي ما بتتلحقش إلا بحقنة الأدرينالين في القلب خلال 10 دقايق وهو في الأساس ما كانش بيعاني من حاجة".