أحمد زاهر: ندمت على فيلم "كلبي دليلي".. وزوجتي بـ100 راجل لكن هذا عيبها
قال الفنان أحمد زاهر: "زوجتي بـ100 راجل ووقفت معايا في فترة مرضي وضحَّت بكل شيء علشان تفضل معايا لدرجة إني في وقت من الأوقات كنت حاسس إني بموت فطلقتها علشان تسيبني وتمشي ومتتعذبش معايا ورفضت تمشي من البيت وفضلت قاعدة معايا، وأسوأ صفة في زوجتي هي الكسل".
أفلام ندم عليها أحمد زاهر
وأضاف خلال لقائه ببرنامج "تفاعلكم" المذاع على قناة “العربية”: "ندمت على أكثر من عمل فني، والظروف المادية ساعات بتجبر الواحد بشتغل بعض الأعمال، وندمت على دوري في فيلم "كلم ماما" وفيلم "كلبي دليل" مع سامح حسين لأني كان شكلي وحش، واضطرتني ظروفي أشتغله".
محمد رمضان
وتابع: "الفن مصدر دخلي الوحيد، ومش أنا اللي أقيم محمد رمضان بأنه نمبر وان".
برنامج المقالب الشهير
وعن ظهوره في برنامج المقالب، علق: "أنا لا أقبل بالتهزيق، وفي برنامج شهير بقالهم 5 سنين بيحاولوا معايا علشان يحصلوا عليا وأنا كل مرة بكتشف اللعبة وبرفض لأن البرنامج فيه تهزيق في المقدمة وأثناء الحلقة".
