أحمد زاهر: في كل حمل لمراتي بتمنى يكون ولد.. ومرض الغدة قربني من ربنا | فيديو
قال الفنان أحمد زاهر: "عانيت من توقف الغدة الدرقية وكنت على وشك الموت وتعلمت من التجربة إن مفيش حاجة فارقة والدنيا إلى زوال ومش لازم نحارب ونتخانق على أدوار، واتعلمت إني لازم أقرب من ربنا، والدنيا زائلة".
أمنية أحمد زاهر التي لم تتحقق
وتابع خلال لقائه ببرنامج "تفاعلكم" المذاع علي قناة "العربية": "أنا أبو البنات، وكنت أتمنى يجي لي ولد، وطول عمري كنت بحلم يبقى عندي ولد وفي كل مرة هدى زوجتي تبقى حامل كنت بتمنى إن الحمل يكون في ولد ولكن ربنا ما أرادش ودي إرادته ورزقني بأحلى 4 بنات في الدنيا وانا الحمد لله مكتفي ومش عايز حاجة في الدنيا غيرهم".
مسؤولية الطفل أحمد زاهر
ولفت: "انا الطفل الوحيد لوالدتي وده حسسني بالمسؤولية أكتر لأني أنا كنت الراجل بتاعها ولازم أكون جنبها وأعمل لها كل حاجة لأن ما كانش فيه بابا".
