حسام حبيب: عمرى ما أخدت من شيرين جنيه واحد ولما اتجوزتها فلوسي كانت أكتر منها

قال الفنان حسام حبيب: "أول لما اتجوزت شيرين عبد الوهاب اكتشفت أن الناس اللي عايشين من خيرها وبياكلوا ويشربوا من شغلها وكفاحها، عايزين يمتلكوها وبقيت أنا العدو الأول ليهم علشان بحاول أحافظ ليها على مكاسبها وفلوسها، واشتغلوا 4 سنين أن الشخص اللي هو أنا لازم يمشي وهما نجحوا في كده، وكبروا الشرخ اللي بيني وبين شيرين، وللأسف عيب شيرين أنها بتتأثر بالكلام فوق الوصف، وبعدين وصلنا إلى الطلاق".

حقيقة سحل وضرب شيرين 

وأكد خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "عمري في حياتي ما كنت عنيف مع أي ست فإزاي أكون عنيف مع شيرين عبد الوهاب، أنا راجل متعلم ومتربي، ومتربي يعني إيه ست وده اللي خلاني الفترة اللي فاتت ما تكلمش رغم هجومها عليَّ، ما ينفعش أهاجم ست لو عاشت معايا ليلة واحدة، وما حصلش إني ضربتها ولا جرجرتها من شعرها ولا سحلتها".

أموال شيرين عبد الوهاب

وتابع: "علاقتي بشيرين ما كانتش سامة بالعكس كانت نقية وعمري ما أخدت منها جنيه واحد لا من وراها ولا قدامها، وعملت لها سيستم علشان أحافظ على فلوسها، ولما كانت بتقولي إني ليَّ نسبة على شغلي معاها كنت برفض، لأني واجبي إني أكبر مراتي وأزود فلوسها".

حسام حبيب: شيرين كانت مدمنة واتعالجت وقت زواجنا

حسام حبيب: شيرين عبد الوهاب حاولت الانتحار وحالتها صعبة

حساب شيرين البنكي

وأكد: "لما اتجوزت شيرين اتصدمت من حسابها الضعيف في البنك، ووقتها كانت فلوسي وأصولي أكتر منها بكتير، فعرفت إنها مضحوك عليها واللي حواليها بيستغلوها وهي ما عندهاش أي فكرة بالحساب البنكي".