وفاء عامر عن مشهدها المسرب مع محمد رمضان: ما كنتش شايفة قدامي | فيديو
كشفت الفنانة وفاء عامر، رد فعل زوجها بعد مشاهدته المشهد المسرب لها مع الفنان محمد رمضان في مسلسل "نسر الصعيد"
ثقة زوج وفاء عامر فيها
وقالت وفاء عامر في تصريحات تليفزيونية بقناة "الشمس": "أنا بشتغل ممثلة ومشخصاتية وزوجي عارف وواثق كويس إني أنا أحب أصدر لجمهوري حاجة لذيذة".
مشهد بلا قيمة
وتابعت: "المشهد اتسرب وما لهوش أساسًا أي تلاتين لازمة لا في سياق العمل يرفعه أو ينزله، ومعرفش مين سربه بس المنتج شاله والرقابة شالته".
مشهد غير مقصود
ولفتت: "زوجي كان عارف إن اللي حصل في المشهد مع محمد رمضان غير مقصود، وزوجي عجبه المسلسل كله ومش هيجي مشهد زي ده ويزعل مني، وما كانش مهتم إنه يركز مع المشهد اللي اتسرب".
مشكلة وفاء عامر خلال تصوير المشهد المسرب
وأكدت: "خلال تصوير المشهد المسرب أنا ما كنتش شايفة قدامي متر واحد واحنا بنصور الساعة 6 الصبح، وحفظت كلامي وقلته وما كانش عندي الجملة بتاعت المشهد، وكلمت المنتج صحي من النوم قال لو فيه حاجة مش عاجباني هشيلها وشالها".
رسالة وفاء عامر لمحمد رمضان
وأضافت: "طالبت محمد رمضان يشيل المشهد من على صفحته، وهو حر شالها شالها ما شالهاش براحته، والتريند مش إننا نعمل حاجة خارجة أو نقول لفظ مش مناسب".
وكان "محمد رمضان" نشر فيديو مدته 50 ثانية وتضمن مشهدًا له مع الفنانة وفاء عامر في غرفة النوم، تخللته جملة خارجة منه.
