أحمد برادة: الناس بقالها 25 سنة مصدقة عني كذبة.. وهذه قصة محاولة اغتيالي | فيديو
قال نجم الإسكواش السابق أحمد برادة: "معنديش إلا أخت وحيدة اسمها دالي، وهي عايشة في لندن مع زوجها، وفيه قصة غلط بقالها 25 سنة الناس مصدقاها عني إن أختي كسبتني، وهي اللي حببتني في الإسكواش".
مباراة أحمد برادة وشقيقته
وتابع خلال لقائه ببرنامج "كلام الناس" المذاع على قناة "إم بي سي مصر": "حد طلع في التليفزيون وقال إن أختي كسبتني في الإسكواش، وده غلط وكذب والحقيقة إنها كانت بتلعب معايا وبنتدرب مع بعض ولكن هي مكسبتنيش، وبقالنا 25 سنة في الشائعة دي لدرجة أن أختي نفسها صدقت الشائعة دي".
حقيقة محاولة اغتيال أحمد برادة
ورد أحمد برادة على شائعة محاولة اغتياله بعد إعلان اعتزاله الإسكواش وتهديده بالقتل بسبب قصة حب، مؤكدًا: "القصة أني لعبت أفضل 4 سنين حياتي في لعبة الإسكواش بعد واقعة إن شخص تافه كان بيسرق حاجة من الفيلا ومموتنيش.. هو كان خايف فخربشني بسكينة، ووقتها الدنيا ولعت وقالوا اغتيال أحمد.. وكان سهران مش عارف فين وكل ده غلط، أنا لعبت بعد الواقعة دي بشهر، والله محصلش إني تعرضت لمحاولة اغتيال، وأنا محدش يقدر يهددني خالص، أيا كان مين لأني اتربيت صح، وأبويا كان قائد في الصاعقة في حرب أكتوبر 1973".
