وفاء عامر: فنانة أشاعت أن آيتن بنتي.. وهذا تصرفي معها | فيديو
![وفاء وآيتن عامر](images/no.jpg)
قالت الفنانة وفاء عامر: "أنا باعتبر كل إخواتي أولادي لأني تحمَّلت مسئوليتهم من وأنا صغيرة، وأمي علمتني أني المسئولة عن أكلهم ومذاكرتهم ولبسهم وحتى تسريح شعرهم، وإحنا أسرة عادية وعايشين حياتنا بشكل طبيعي".
شائعة ابنة وفاء عامر
وأكدت خلال مداخلة هاتفية ببرنامج "واحد من الناس" الذي يقدمه الإعلامي عمرو الليثي بقناة "الحياة": "مزعلتش لما قالوا إني أم لآيتن عامر لأني لو كنت اتجوزت صغيرة كان بقى عندي قدها، وأنا أخبيها ليه، ودايمًا بقول اللي بيزوَّر لازم يتحبس، وده حصل لأكتر من حد مشهور".
فنانة وراء شائعة ابنة وفاء عامر
وتابعت: "الله يسامحها اللي طلعت شائعة إني أم آيتن عامر، وهي فنانة وكانت صديقة ليا ولكن انتهت صداقتنا بعد ما طلعت الشائعة دي عليا، وطلعت لها لساني وسيبت لها المكان ومشيت وعزلت لما طلعت عليا الشائعة دي، وهي نفسها ساعات بتعمل حاجات وتقول لي مش عارفة عملت كده ليه".