الفستان اتسرق.. وفاء عامر تكشف عن موقف غريب لها في فرح آيتن | فيديو
قالت الفنانة أيتن عامر: "الشيء الوحيد اللي أصرت عليه وفاء عامر في زواجي أننا لازم نعمل فرح، وكانت رغبتي إني أعمل كتب كتاب كبير ونوفر مصاريف الفرح ونطلع بيها شهر عسل حلو".
رغبة وفاء عامر
وتابعت خلال لقائها ببرنامج "معكم" الذي تقدمه الإعلامية منى الشاذلي بقناة "سي بي سي": "بعد كتب الكتاب كنا متفقين مش هنعمل فرح، ولما جينا نقول لوفاء عامر إننا مش عاملين فرح علشان عاملين شهر عسل في فرنسا هناك قامت الدنيا ومقعدتش وقالت لي لأ احنا عايزين نفرح وفي الآخر عملنا فرج علشان نرضيها".
سرقة فستان آيتن عامر
ولفتت: "زوجي أطول مني فكنت جايبة جزمة الفرح وظرزتها بالدانتيل بتاع الفستان والدنيا كانت ماشية زي الفل ومع أول نص ساعة في الفرح مقدرتش علي الجزمة فروحت قلعتها وشلت ذيل الفستان علشان اعرف اتحرك، وبعد الفرح لما خلص ملقناش الجزمة ولا ذيل الفستان وكانت واقعة غريبة لحد دلوقتي مش مصدقاها انا فستان عروسة وجزمتها يتسرقوا في فرحها".
موقف غريب لوفاء عامر
من جانبها قالت الفنانة وفاء عامر: "نزلت علشان أطمن على الحفلة بتاعت فرح آيتن عامر ولقيت فيه أعداد كبيرة جاية بدون دعوات، وفجأة بصيت لقيتني نزلت بالشبشب ونسيت من كتر استقبال الناس، وكل لما أتفرج على الصور أشوف نفسي بالشبشب وأقول مش ممكن وكان إفيه غريب وظريف".
وعاتبت الإعلامية منى الشاذلي، الفنانة وفاء عامر بسبب تصريحها التلفزيونية بشأن مسامحة زوجها حال خانها.
عتاب منى الشاذلي
وقالت منى الشاذلي، موجهة حديثها للفنانة وفاء عامر، خلال برنامج "معكم" المذاع على قناة "سي بي سي"، قائلة: "تطلعي في التليفزيون وتقولي لو جوزي خانني يبقى العيب فيَّ، الكلام دا ما ينفعش يا وفاء"، لترد وفاء عامر:"هنعمل إيه بس".
رد فعل غاضب لآيتن عامر
من جانبها علقت الفنانة آيتن عامر:"أنا اتخانقت معاها اليوم دا واتضايقت مع اللي اتضايقوا وقلت لها يا وفاء أي ست تحس إنها اتخانت ما ينفعش تقولي إنها السبب لأن مفيش سبب للخيانة الزوجية، ولكن فيه إن زوجي يجي يقول لي مش قادرين نكمل ولازم ننفصل".
تعقيب وفاء عامر
لتعقب وفاء عامر: "احنا مش هنروح مع بعض في عربية واحدة يا آيتن".
