حمدي الوزير: الممرضات بتخاف تتعامل معايا.. وبنت شافتني في الأسانسير صرخت | فيديو
قال الفنان حمدي الوزير: "أنا اتجوزت قبل التمثيل وأنا مش شرير ولا حاجة ولكن فيه ناس من الجمهور بتزعل مني وبتصدق الأدوار اللي بمثل فيها أدوار الشر".
خوف الممرضات من حمدي الوزير
وأضاف خلال لقائه ببرنامج "بالخط العريض" الذي تقدمه الإعلامية إيمان أبو طالب بقناة "الحياة": "الممرضات في المستشفى وأنا بعمل العملية كانوا خايفين يتعاملوا معايا بسبب أدوار الشر اللي عملتها، وأنا ما أقدرش أعاكس بنت".
موقف غريب مع حمدي الوزير
ولفت: "وأنا داخل أركب الأسانسير لقيت بنت لما شافتني صرخت وخرجت جري من الأسانسير، ولو مفيش راجل معايا شاهد إني ما عملتش حاجة كانت ممكن الناس تصدق إني كنت بعاكسها أو بتحرش بيها وده ما حصلش".
وأشار: "المرأة شيء جميل وعبقري وهي الأخت والأم والحبيبة، وهي مكانتها كبيرة عندي وعمري ما عاكست بنت".
