سماح أنور: النجاح بيبوظ أخلاقي.. واستفدت كتير من الحادثة اللي حصلت لي
قالت الفنانة سماح أنور: "أنا بعشق الفشل لأنه بروفه للنجاح، وإزاي ننجح قبل ما نفشل، ولما بنجح أخلاقي بتبوظ لأني بريح وساعات قعدتي بتطول ومش بحب الشقا والشغل الكتير".
نجاح سماح أنور
وتابعت خلال لقائها ببرنامج "كلام الناس" المذاع على قناة "إم بي سي مصر": "النجاح بيبوظ أخلاقي لأنه بيصيبني بالكسل والخمول لفترات طويلة".
حادث سماح أنور
ولفتت: "الحادثة اللي عملتها وسافرت عملت عمليات في أمريكا خلتني قاعدة على كرسي متحرك لفترة وقتها الإنترنت كان متوفر في أمريكا وقتها درست الطبخ واللايف كوتشينج والأونلاين بيزنس واحتراف التمثيل والإخراج، ولما رجعت مصر عملت برنامج "تجربتي" بالفضائية المصرية، وقتها الدكتورة درية شرف الدين قالت لي البرنامج مكسر الدنيا وعايزين نستمر وفعلًا استمرينا 3 سنوات".
سر رشاقة سماح أنور
وتابعت: "انا باكل مرة واحدة في اليوم من وقت ما اشتغلت في التمثيل وعمري 16 سنة، ولما آكل بالليل بيكون قبل النوم بـ5 ساعات".
