وزير المالية عن ارتفاع الأسعار: محدش يلومني.. لوموا حكومات العالم|فيديو
وجه الدكتور محمد معيط وزير المالية، رسالة للمواطنين في ظل الظروف الإقتصادية الحالية، قائلا:"الأزمة اللى احنا فيها دي لو انت بتلوم فيها الحكومة علي ارتفاع الأسعار يبقى تلوم فيها كل حكومات العالم لإن كل مواطنين العالم بيعانوا من ارتفاع الأسعار وفواتير الكهرباء والمياه والغاز".
الأزمة الاقتصادية
وأضاف خلال لقائه ببرنامج "حقائق وأسرار" المذاع علي قناة "صدى البلد":"الأزمة الإقتصادية عالمية وليست محلية، ولو العالم عايش مستقر ومفي مشكلة وانا بس اللى بعاني تلومني".
رسالة وزير المالية للمواطنين
وتابع:"ممكن تقولي ان الأسعار عندك أعلى أقولك أيوا، ممكن تقولي ان ممكن الأوضاع كانت تبقى أقل من حدتها أقولك أيوا بس احنا في الاَخر بشر ومشينا في السياسات واشاد بها المواطن في فترة كورونا".
وأكمل:"انا مقدر ان اسعار السلع تؤثر سلبا علي المواطنين مقارنة بمستوي معيشته، ودولة زي بريطانيا عدد سكانها 65 مليون نسمة زي ما كانوا في 1994، واحنا دلوقتي في 1994 كنا 60 مليون دلوقتي احنا 104 مليون نسمة وهذا يؤثر علي اقتصادنا".
تكلفة حل ازمة الكهرباء
ولفت:"علشان نحل ازمة الكهرباء صرفنا 1.5 تريليون جنيه، وصرفنا علشان نقضي علي العشوائيات ونواجه تهالك شبكة الطرق".
