نهى العمروسي: بيتعرض علي أعمال فنية وحشة مش من قيمتي.. ومش ههزق نفسي
قالت الفنانة نهى العمروسي:"انا مش مخاصمة الفن ولكن بيتعرض عليا اعمال وحشة ومش من قيمتي علشان كده برفضها".
أدوار غير لائقة لنهى العمروسي
وتابعت خلال لقائها ببرنامج “كلام الناس” المذاع علي قناة “ام بي سي مصر”:" انا مش ههزق نفسي بالمشاركة في أدوار مش من قيمتي، وانا مقدرة نفسي ويا جبل ما يهزك ريح مهنتي".
تقدير الفن
وأكملت:"لو الفن مقدرنيش خلاص عادي مش هتقهر ولا اتشحتف لإني اقوي من كده ومش هاشتغل تمثيل".
مصدر دخل نهى العمروسي
ولفتت:"مصدر دخلي من عند ربنا ودي حاجة تخصني، ودلوقتي بنمي روحي وثقافتي واستخدم الإنترنت بشكل مفيد اني اثقف نفسي واقرأ كتب واتعلمت الرسم".
وأضافت:"انا عندي كبرياء وكرامة واترفع اني اطلب شغل فني من أي حد حتي لو كان مقرب، ومش قيمتي اني اطلب من حد انه يشغلني والدور لازم ينده عليا وانا قابلة اني الفن يبعد عني".
حزن وبكاء نهى العمروسي
وأشارت:"حزنت وعيطت لما مضيت علي مسلسل بثمن بخس، واتقهرت ساعتها علي نفسي لإنه مكانش من قيمتي العمل ولا الأجر".
ولفتت:"حاولت كتير يكون لي بيزنس بعيدا عن الفن بس مكنتش بتنجح وتفشل بسبب ظروفي المادية، بس انا هارجع اعمل مشروع جديد".
