هدى رمزي: جيلنا كان على طبيعته في اللبس دلوقتي العري بقى أوفر | فيديو
قالت الفنانة هدي رمزي :"زمان لبسنا في السينما حتى لو كان مايوه كان شياكة مش استعراض، وجيلنا والجيل اللى قبلنا كانوا بيلبسوا القصير والمايوه بغرض الموقف التمثيلي ومن أجل الشياكة وحاجة علي الموضة مش بغرض إظهار مفاتن جسمهم، عكس اللى بيحصل دلوقتي".
مشكلة ممثلات الجيل الحالي
وأضافت خلال لقائها ببرنامج "كلام الناس" المذاع علي قناة “إم بي سي مصر” "بشوف الممثلات دلوقتي بقول هما ليه بيقفوا كده وليه لابسين كده؟معرفش ايه اللى بيحصل ده؟".
العري في التمثيل
وتابعت: "أنا كنت ست حلوة وأصغر سنا وشكلي كويس محاولتش أظهر مفاتن جسمي وكنت ببقى علي طبيعتي وجيلي والجيل اللى كان قبلي كانوا على طبيعتهم، دلوقتي العريان بزيادة ومش حابة الأوفر اوي في طريقة اللبس والتعامل مع اللبس في السينما والدراما دلوقتي".
