باسم سمرة: أنا صاحب الكلمة في بيتي.. وقبل الجواز كنت مقطع السمكة وديلها | فيديو
قال الفنان باسم سمرة: "أنا متزوج وعندي بنتان زي القمر، وكنت حريصًا أن زوجتي تكون من خارج الوسط الفني حفاظًا على إبعاد حياتي الخاصة عن الأضواء".
زوجة باسم سمرة
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "زوجتي ابنة عمي وأرى أن زواج الأقارب حلو لأننا بنبقى عارفين طباع بعض، بس أنا مش باخد رأي مراتي في شغلي إلا بعد لما أخلص، لكن بشاور نفسي والمخرج يسري نصر الله وعمرو الليثي والمخرج سامح عبد العزيز".
مشكلة باسم سمرة في أحد الأفلام
وتابع: "مفيش دور أنا نادم عليه ولا بعتذر عنه للناس، وفيه أدوار عملتها مجاملة لمخرج أو ممثل صديق بس بزعل لما أروح أعمل ضيف شرف ومخدتش فلوس وأبقى موجود على الأفيش وده حصل معايا، ولكن أنا فخور بكل شغلي".
شخصية باسم سمرة في البيت
وأردف: "أنا زوج عملي وبحب أحافظ على البيت، ولما جيت أتجوز كنت مقطع السمكة وديلها ودلوقتي خلاص كبرت وعندي عرايس وعندي بنتي الكبيرة داخلة الجامعة فلازم أكون ملتزما".
واختتم: "أنا صاحب الكلمة في البيت، ومش علشان الذكورية لكن علشان أنا حريص على بيتي، والمركب اللى فيها ريسين بتغرق".
