محمد عبد الرحمن: بفضل دعوات الناس ربنا نجاني من أزمة مرضية صعبة|فيديو
كشف الفنان محمد الرحمن "توتا"، تفاصيل الأزمة الصحية التي تعرض لها وأدت لخضوعه لعملية جراحية في القلب.
الخوف من مواجهة الطبيب
وقال خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي":"اللي حصلي كان حاجة كبيرة بس ربنا عداها بردا وسلاما، كنت حاسس بتعب بس مش عايز أروح للحظة مواجهة الدكتور، كنت لما اطلع السلم احس بنهجان وانا اصلا مدخن، بس مكنش عندي مشاكل في القلب".
بداية الازمة الصحية لمحمد عبد الرحمن
وأضاف:"بدون مقدمات وانا راجع من تصوير فيلم "الدعوة عامة" ودخلت البيت الصبح حسيت ان صدري تقيل وتعبت وفجأة لقيت شعري مبلول برغم اني نايم في التكييف نشفت راسي ورجعت انام تاني لقيت نفس اللى حصل، وبعدين بقيت أكح فقلت لازم اروح المستشفى ولقيت الأكسجين قل لـ80 وضربات القلب سريعة 140".
أزمة بالقلب لدى محمد عبد الرحمن
وتابع:"لما وصلت المستشفى كنت باخد نفسي بصعوبة، وظبطولي الأكسجين وقلت لهم لازم اخرج علشان عندي تصوير تاني يوم، فقالولي لازم تتحجز يوم لحد لما نطمن عليك، فجأة دكتور الأمراض الصدرية قالهم اعملوا له ايكو علي القلب، وبعدين قاللى انت المفروض كنت تعمل دعامة في القلب ومعملتهاش وده عملت مشاكل بالقلب، واكتشفنا ان القلب شغال 30% منه و70% مش شغال".
عملية قلب مفتوح
وأكمل:"قالولي لازم تعمل قسطرة استكشافية وعملتها فكان التقييم اني في حاجة مهمة لعملية قلب مفتوح وطلب موافقة أهلى قبل العملية، ولما قاللى قلب مفتوح اتخضيت بس قلت الحمد لله".
أزمة مرضية صعبة
ولفت:"خضعت لعملية قلب مفتوح والحمد لله بفضل دعوات الناس ربنا نجاني بس كانت أزمة مرضية صعبة وغير متوقعة".
