عارفة عبد الرسول: "أبناء المشاهير يتحملون رزالات ملهمش ذنب فيها"
عبرت الفنانة عارفة عبد الرسول عبر حسابها الشخصي على موقع التواصل الاجتماعي "فيس بوك" عن تعاطفها مع أبناء المشاهير والفنانين وما يتعرضون له.
وكتبت عارفة عبد الرسول قائلة: "أنا متعاطفة جدًا مع أبناء المشاهير، الناس بيقولوا خد فرصة عشان ابن فلان، ومهما اتشقلب وعمل اللالي لازم يقارنوه بالاسم الأصلي، ويفضل طول عمره متحمل رزالات مالوش فيها ذنب.. بشتغل اليومين دول مع مخرج منهم، شايف كويس تفاصيله مالهاش حل، محترم مع الصغير قبل الكبير ورغم خبرتى اللى على قدي، أقدر أقول إنه هايبقى مخرج كبير من اللى يتعدوا على الصوابع دول".
عارفة عبد الرسول
وأضافت: "ألاقي واحد جاي يعمل مشهد يقوله عشان أنت حفيد الأستاذ، جايبنى أعمل كلمتين وبس، واحد من المجاميع المفروض بيعلق يافطه فى المشهد وإحنا بنقوله يمين شوية شمال شوية...قوم هو بيحرك اللوحة وبيترقص بطريقة غريبة".
وتابعت عارفة عبد الرسول: "المخرج يقوله بلاش كده حرك إيدك بس يقوله، إحنا تلامذة الأستاذ واتعلمنا منه...طب يا سيدى كتر خيرك، ممكن تحرك إيدك بس، وهكذا. والله بيصعب عليا، وهو بيقابل ده بابتسامة لطيفة قلبي عندك يا ابني....المخرج.. عمر المهندس".
