إكرامي: رمضان صبحي عايز يرجع الأهلي.. وأقول لشوبير "ابعد عن ابنك"
قال الكابتن إكرامي الشحات، حارس مرمى النادي الأهلي ومنتخب مصر السابق: "أنا سعيد بما قدَّمه مصطفى شوبير خاصة في مباراة إنبي، هو حارس مرمى مبيتهزش وعنده ثقة في نفسه".
نصيحة لـ أحمد شوبير
وتابع خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "بقول لأحمد شوبير ابعد عن مصطفى شوية وسيبه لأن الولد أثبت نفسه وأنه حارس مرمى جيد وعنده إمكانيات كويسة ودلوقتي مش محتاج مساعدتك له أو الحديث عنه".
حملة الهجوم على شريف إكرامي وشوبير
وأضاف: "شريف إكرامي كان اتهاجم وهو عنده 17 سنة حتى لعب والناس اتفرجوا عليه مع منتخب الشباب والناس عرفت أنه مبيلعبش علشان أبوه، ومصطفى شوبير نفس القصة وأثبت نفسه برغم الهجوم عليه بسبب كونه ابن أحمد شوبير".
مشكلة الأهلي حال التعاقد مع صبحي
ولفت: "لو الأهلي جاب الحارس محمد صبحي هتكون فيه مشكلة في مين اللي هيقعد احتياطي، ولو الخبر صح هيبقى لازم مصطفى شوبير يطلع إعارة".
رغبة رمضان صبحي العودة للأهلي
واختتم "إكرامي": "أتمنى رمضان صبحي يرجع للنادي الأهلي، ولا تعليق على مقولة اللي بيخرج من الأهلي مبيرجعش، وفي سياسة النادي الأهلي أن اللي بيطلع مابيريجعش لكن الأمر يرجع للمسئولين في الأهلي، ورمضان صبحي عنده استعداد ورغبة قوية للعودة للأهلي".
