توتي: صلاح ضمن أفضل 3 لاعبين في العالم.. وأحب ميسي عن رونالدو لسبب واحد
قال فرانشيسكو توتي نجم نادي روما السابق:"بدأت كرة القدم وانا عندي 8 شهور وكنت بنام والكورة جنبي ولما كبرت بالتدريج فهمت انها العشق والهواية والاستمتاع وكل حاجة، ومع مرور الوقت عرفت انها المتعة بالنسبة لي".
سر انضمام توتي لروما
وأضاف خلال لقائه الخاص مع الفنانة إسعاد يونس بقناة “دي ام سي”:"انا اللى اثرت في حياتي الكروية وعرفت اهمية اللعبة، وفيه ناس كتير اتأثروا بيا، وكان فيه فترة من حياتي اني لازم اختار ما بين روما ولاتسيو وكل افراد اسرتي كانوا بيشجعوا روما علشان كده اخترت روما ومندمتش علي عدم انضمامي الي لاتسيو وكل العائلة كانوا مبسوطين من وجودي في نادي روما".
حب جماهير روما
ولفت:"كلمة الاحترام اهم شئ في حياتي والإلتزام مع جماهير روما جعلني ابدأ واختم مشواري في روما، وعلشان مدمرش علاقتي بجماهير روما رفضت كل العروض لرحيل عن روما، وهما اللى قرروا اني اعتزل".
قيمة محمد صلاح مع ميسي ورونالدو
وعن حصول محمد صلاح علي المركز السابع في جائزة الكرة الذهبية، علق توتي:"في 30 سنة من عملي مفهمتش معايير الحصول علي الكرة الذهبية هل مكافأة للفريق أو العمل الفردي..صلاح واحد من افضل 10 لاعبين في العالم الفترة الحالية، بل من افضل 3 لاعبين في العالم، وعلاقتي بمحمد صلاح جيدة، واحسن لاعب في العالم حاليا ما بين ميسي ورونالدو، وانا احب ميسي أكتر وهو عنده مهارة اكتر من رونالدو ولكن رونالدو بيخدم الفريق اكتر".
أهمية الدوري الإنجليزي
وأشار:"الدوري الإنجليزي احد افضل الدوريات العالمية، والأهمية الاقتصادية لها دور واضح، وهذا لا يقلل من الدوري الإيطالي والاسباني والألماني والفرنسي، ولازم نطلع لاعيبة مهمة من الشباب علشان الدوري الإيطالي يبقى الأهم والأفضل في العالم".
