الكلام على مين.. اعرفوه لو كنتم شاطرين
مؤدب والأدب عليك لايق
يا رافع راسنا ما بين الخلايق
لا عمرك بتشتم ولا بتسب
وبين أقرانك دايمًا سابق
على حبك الناس مجتمعين
صعايدة وسواحلية وفلاحين
أشهر من ارتدى الرقم 10
بين عرب وأفارقة ومصريين
لعبت 16 سنة يا حبيبنا
هداف ولك ملايين المعجبين
الملاعب تشهد بأخلاقك
وما أخدتش غير إنذارين
رمز الأدب والشياكة يا حريف
والملاعب حلفت باسمك مرتين
مرة وأنت هداف مصر وأفريقيا
ومرة رئيس لنادي القرن العشرين
لا تقولي شيكا ولا محمد رمضان
دا أنت أسطورة كل المصريين
الأمراء والملوك بيحترموك
واتكرمت منهم أجمعين
السعودية والإمارات والكويت
وكمان السودان والبحرين
