الخطيب يوجه رسالة قوية للمجلس الأعلى لتنظيم الإعلام
وجه الكابتن محمود الخطيب رئيس النادي الأهلي، للمجلس الأعلى لتنظيم الإعلام، بسبب عدم تحركه ضد حملات تشويه والإساءة التي يتعرض لها النادي.
مشكلة الإعلام الرياضي
وقال “الخطيب” خلال كلمته بقناة “الأهلي”: تعلمنا أن الكلمة أمانة وحمل الأمانة شرف ومسؤولية ولكن فيه صورة واضحة للغالبية من الإعلام الرياضي المرئي والمسموع وفيه قنوات وإعلاميين انتمائهم طغى على مهنيتهم ودا خطر جدًّا على الشارع والمستهدف تشويه صورة الأهلي".
غياب الأعلى للإعلام عن دوره
وتابع: “فيه ناس بتتكلم عن الأهلي أكتر ما بتتكلم عن نفسها وبقينا مادة دسمة للغاية في الإعلام وبقى فيه تجريح فج بشكل يومي ومفيش حد بيحاسب حد، وبيحاولوا يسفهوا من تاريخ الأهلي والتقليل من البطولات وبيحاولوا ينتهزوا الفرص وقت الإخفاق، اللي هي قليلة، لتشويه الأهلي والتسفيه من بطولاته، ووقت البطولات ما بيبقاش الأهلي واخد حقه زي وقت الإخفاق، هل ده مخطط؟ أعتقد ذلك”.
وأضاف: "نرى بوضوح أن هناك تربص واستهداف ومفيش دور للمجلس الأعلى للإعلام، واشتكينا قبل كدا، وناس بتجرح فينا وما حدش بيعمل حاجة، ومن غير ما أشتكي مش المفروض يكون فيه تقرير عن الإعلام الرياضي عشان نحافظ على بيوتنا من الألفاظ الخارجة، وإزاي مفيش حد بيحاسب المخطئ واللي بيتجاوز في الإعلام؟ ما تجيش على رد الفعل، خليك في الفعل يا مجلس يا أعلى للإعلام، الأهلي صوته عالي في الحق ومش سليط اللسان ومش سباب ولا فاحش ولا بذيء ولكن أكبر من كدا بكتير".
