روبي: بنتي طيبة ربتني وخلتني أبطل شتايم | فيديو

قالت الفنانة روبي: "بنتى طيبة غيرت حياتي وربتني، والأطفال فعلا بيربوا مش احنا اللي بنربيهم، وهي عندها 6 سنين وهتتم 7 سنوات في شهر 9 اللي جاي".

ابنة الفنانة روبي

وأضافت خلال لقائها ببرنامج "معكم" الذي تقدمه الإعلامية منى الشاذلى بقناة "سي بي سي": "أنا اللي اخترت اسم بنتي، وعملت استخارة علشان أختار اسم طيبة لإني كنت عايزة أسميها تحية والناس قعدت تتريق عليَّ وبعد كده استقريت على اسم طيبة".

درس ابنة روبي

وتابعت: "طيبة بنتي علمتني إني أبقى مسؤولة أكتر وأصون لساني لأني ساعات أشتم لأني كنت ساعات أكلم صاحبتي في التليفون ونشتم سوا أوقات، دلوقتِ بنتي علمتني الأدب وأمسك لساني".

روبي: خالاتي قاطعوني وقاطعوا أمي بسبب الأغاني.. والولاد اللي بحبهم طفشوا |فيديو

روبي تشعل الأجواء في استوديو منى الشاذلي برقصتها الشهيرة "طب ليه بيداري كده"|فيديو

وقالت الفنانة روبي: "الأغاني بتاعتي في البداية عملت لي مشكلات ومن 18 سنة كنت لما أحب ولد ونسيب بعض علشان الأغاني بتاعتي لإنه ما بيستحملش ردود فعل الناس".

أغاني روبي

وأضافت خلال نفس اللقاء: "حصل لي أزمة بسبب ردود فعل المصريين عن الأغاني بتاعتي وأنا ما كنتش مدركة إيه اللي بيحصل وبعدين قعدت مع نفسي ووقفت وقفة علشان أشوف اللي بيحصل".

مقاطعة خالات روبي

ولفتت: "خالاتي السبعة قاطعوني وقاطعوا ماما بسبب الأغاني بتاعتي، وقالوا إزاي دي مجنونة، ولما عملت سجن النسا وقفت مع نفسي وفهمت إيه اللى بيحصل وقلت هعيد صياغة الموضوع تمامًا وأنا مش مقتصرة على غنوة ولا رقصة ولكن أنا كيان وروح ولازم أغير وأعمل حاجة هادفة".

حقيقة روبي

وأكملت: "اتضايقت علشان الناس كانت شايفاني حاجة تانية غير الحقيقة، وزعلت ومكنتش مقدرة لإني أنا أصلًا في الطبيعي حد مش جريء خالص".