روبي تشعل الأجواء في استوديو منى الشاذلي برقصتها الشهيرة "طب ليه بيداري كده"|فيديو
أشعلت الفنانة روبي، الأجواء في استوديو الإعلامية منى الشاذلي، ببرنامج "معكم" المذاع علي قناة "سي بي سي"، برقصتها الشهيرة في اغنية "طب ليه بيداري كده".
رقص روبي
وتفاعل جمهور استوديو منى الشاذلي، مع رقص روبي، بالتصفيق الحار واطلاق الصافرات.
وقالت الفنانة روبي، في نفس اللقاء: "روبي اسم فني بحت، واسمي الحقيقي رانيا، لما كنت بعمل فيلم سكوت حنصور مع يوسف شاهين وكنت وقتها في أولى جامعة أو ثانوية عامة فكان بيدلعني أوي وقال لي فيه رانيا كتير في السوق رانيا يوسف ورانيا فريد شوقي، وقال لي هسميكي اسم فني فعرض عليا اسم سحر فاستغربت وقلت له إيه سحر ده؟، فقلت لأ مش عايزة سحر، فقال لي سبيني أفكر فرجع لي باسم روبي، وعجبني جدًّا اسم روبي، إنما في البيت اسمي رانيا، وفي الشارع بيقولوا لي رباب".
دور يوسف شاهين
وتابعت: "دخلت مجال الفن وأنا في ثانوية عامة، وكنت وقتها موديل إعلانات علشان دروس الثانوية العامة وأشتري اللبس ودخلت المجال بغاية مادية بحتة وفي يوم ليلة لقيت يوسف شاهين بيجرجرني للتمثيل وبيختارني في فيلم سكوت حنصور، وبعدين فيلم ثقافي".
طموح روبي
وأكدت: "عمري ما كنت نفسي أتشهر، وطموحي كان أتجوز وأقعد في البيت بس أكون موظفة ويبقى عندي أولاد".
