"كان ممكن أبقي مشهور لاقتراني بـ اسمه ".. محمد إمام يتحدث عن علاقته بالزعيم

تحدث النجم محمد إمام عن علاقته بوالده الزعيم عادل إمام،  وذلك  خلال لقائه في برنامج "mbc tranding".

وقال محمد عادل إمام من خلال اللقاء:" كان صعب بالنسبة لي أني أثبت نفسي في الشغلانة خصوصا لأني ابن عادل إمام  والحمد الله الموضوع خد مجهود ووقت، وكنت مصدق الموضوع،  أنا كنت حابب الحكاية أنا مش داخل عشان أبقي مشهور، ما كلمة ابن عادل إمام دي ممكن تخليني مشهور لاقتراني باسمه ،  أنا فعلا حابب الشغلانة وحابب أسعد الناس.

وكشف الفنان محمد إمام، لأول مرة عن سبب ظهوره بشعر أصفر في أحدث أفلامه "عمهم".

وقال محمد إمام في لقاء مع برنامج mbc Trending: من أكثر الأشياء التي أرهقتني خلال تصوير فيلم "عمهم" هي صبغة الشعر موضحا سبب اختياره لهذا اللون: "السنة اللي فاتت شفت ولد عامل شعره كده عجبني جدا وقولت هعمله لون شعري للدور وياريتني ما عملت كده".

وتابع: فترة التصوير كانت طويلة لمدة 8 أو 9 أشهر وكنت مضطر إلى صبغ شعري كثيرا.

وأكمل متحدثا عن أصعب شيء واجهه في فيلم "عمهم" وقال: تدريبات البوكس، كنت أريد الظهور بشكل جيد، أخذ مني مجهودا كبيرا وكنت أتدرب في الصباح والمساء فضلا عن اتباع نظام غذائي محدد.

فيما علق محمد إمام على فكرة المنافسة في موسم عيد الأضحى مع فيلمي "كيرة والجن" لكريم عبد العزيز وأحمد عز و"بحبك" لتامر حسني".

وقال محمد إمام: "جدل الإيرادات طول عمره موجود، وإحنا شغلتنا معتمدة على شباك التذاكر".

وواصل بقوله: "الواحد لو قعد يفكر مين نازل قدامي، وأنا نازل قدام فيلم كبير فلازم الفيلم يتأجل مش هيشتغل".

واختتم: "أنا مركز مع نفسي جدا، وأول فيلم مثلا كابتن مصر كسر الدنيا ساعتها، وعمل 22 مليون جنيه مجموع إيرادات، والحمد لله عمهم عامل في أول أسبوع 20 مليون، وده تمام بالنسبالي، وفي الآخر كله في مصلحة الجمهور".