حسام موافي: شيخ الأزهر أشرف واحد في مصر وشخصية لا تتكرر | فيديو
أكد الدكتور حسام موافي، أستاذ طب الحالات الحرجة بكلية طب قصر العيني، أن فضيلة الإمام الأكبر الدكتور أحمد الطيب شيخ الأزهر الشريف هو أشرف شخصية في مصر.
وأضاف "موافي" خلال تقديمه حلقة جديدة من برنامج "رب زدني علمًا" المذاع على قناة "صدى البلد": فضيلة الإمام الأكبر من الأقصر وهو شخصية لا تتكرر.
وتابع: "جلست معه أكثر من مرة، ولديه أسلوب معين في الكلا،م وقدرة على الإقناع، وهو معلم راقٍ جدًّا، ورجل جميل".
كما قال الدكتور حسام موافي، أستاذ طب الحالات الحرجة بكلية طب قصر العيني: إن المخدرات تنسف البلاد، ثم إن لله سبحانه وتعالى طلب من عباده الحفاظ على الدين والعقل والنفس والعرض والمال.
وتابع خلال برنامج "رب زدني علمًا" المذاع على قناة "صدى البلد": "ربنا حرَّم الخمر حفاظًا على العقل لأن اللي بيشرب خمرة بيجيله لحظة يسكر ويغيب عنه العقل".
غياب العقل بسبب الخمر
وأضاف: "اللى بيقول أنا بشرب خمرة وبحافظ على عقلي ومش بسكر أنا مليش دعوة بيه، واللى يقولي ما هي مبتسكرنيش تبقى مش حرام وربنا عايز السكْر وأنا أقوله أنت جاهل لما ربنا تكلم عن السكْر قال ما شأنه أن يسكر، ولو جيبنا واحد عمره ما داق الكحول واديله كوباية هيسكر، إنما اللى مبيسكرش بقاله 5 سنين بتشرب خمر".
مجال الخمر الشيطاني
وأردف حسام موافي: "لما ربنا تكلم عن اجتناب الخمر فهذا أشد من التحريم.. ده أنا في أوروبا ممكن أقعد على ترابيزة فيها واحد بياكل خنزير أقعد معاه حلال لأني مباكلش معاه لأنه محرم، إنما مقعدش مع واحد قاعد على ترابيزة بيشرب خمرة لأن مجال الشيطان أنت مش شايفه، لذلك القعدة مع واحد بيشرب خمرة يجب أن نتجنبه لأنه فيه مجال شيطاني، والخمرة لها مجال شيطاني ولازم منخدش المجال، وربنا حرَّمها أيضًا.
