حميد الشاعري: سيمون بنت بلد..وموقف غريب وراء اكتشاف موهبة حكيم
قال الفنان حميد الشاعري:"مصطفى قمر ده ابني ولما كنت في المعمورة بصيف لقيت لمة فركنت العربية وقلت لما اتفرج علي الحاوى ده فنزلت لقيت شاب شكله ابيض وعينه ملونة ومعاه شباب في أولى جامعة فقعدت اسمع صوته وعجبني اوي فقلت له تعالي معايا شركة سونار وفعلا وقع معاها، وعمل أغنية سكة العاشقين سنة 1994".
ميزة سيمون
وعن الفنانة سيمون، أشار خلال لقائه ببرنامج “معكم” الذي تقدمه الإعلامية منى الشاذلي بقناة “سي بي سي”:"فنانة جميلة وبنت بلد واشتغلنا مع بعض أغنية "بتكلم جد" سنة 1990 وكانت من أحلى الأغاني".
قوة صوت حكيم
وعن المطرب الشعبي حكيم، قال:"ده جميل ووالده عمدة واتعرفت عليه بطريقة غريبة جدا كانت بنت اخوه بتصور إعلان في مكان انا بصور فيه، وجت بتجري وبتقولي أنا عندي عمي بيغني أحسن منك، فقلت لها هو صوته حلو إحنا بندور علي أصوات فقالت لي ده في مغاغة في المنيا، فاعطؤتها رقمي وجالي تاني يوم وخليته وقع مع شركة سونار".
اغنية نظرة
ولفت:"لما سمعت صوت حكيم عجبني أوي ولقيت صوت زي الجرس وقوي، واول شغل عملته له كانت اغنية "نظرة" واغنية "بيني وبينك" سنة 1991".
اغنية الزين والزينة
وعن الفنان علي الحجار، قال:"اشتغلت مع علي الحجار اغنية "الزين والزينة" سنة 2006".
