عبير صبري: لدي أخطاء كثيرة.. ونادمة على دوري في هذا الفيلم | فيديو
كشفت الفنانة عبير صبري: "ندمانة على دوري في فيلم زمان عملته "فلاح في الكونجرس" وحسيت إنه فيلم أهبل".
بلوك السوشيال ميديا
وتابعت خلال لقائها ببرنامج "أسرار النجوم" المذاع على إذاعة نجوم إف إم: "بعمل بلوكات كتير للناس اللي بتكتب كومنتات حقيرة، وساعات بشتمهم الأول وبعدين أعملهم بلوك".
عيب عبير صبري
وأضافت عبير صبري: "أكتر عيب فيَّ إني كسولة جدًّا، وكل مشوار بنزله بقول لنفسي أنا ليه وافقت وكان فين دماغي".
أخطاء عبير صبري
ولفتت: "عندي أخطاء كتير وفيه حاجات مكنتش أحب أعملها زيي زي كل الناس والحاجات دي علمتني".
وكانت الفنانة عبير صبري كشفت عن رأيها في إلقاء الفنان محمد رمضان الدولارات في الأرض وحمام السباحة وتصرفاته بعيدًا عن التمثيل.
شخصية محمد رمضان
وقالت عبير صبري خلال لقائها ببرنامج "مصر جديدة" الذي تقدمه إنجي أنور بقناة "إي تي سي": "خلال كواليس مسلسل "موسى" لقيت محمد رمضان شخصية محترمة جدًّا وملتزمة ومنضبطة في التصوير ومحبة للناس اللي حواليها وصبور وبيتعامل بلطف شديد".
اختلاف البشر
وتابعت: "أي إنسان ممكن يعمل حاجة مخالفة لأفكار غيره قد يثير الجدل وليس محمد رمضان فقط، والطبيعي إننا نكون مختلفين".
فيديو كليب
ولفتت: "مفيش مشكلة إن محمد رمضان يثير الجدل، وإلقاؤه الدولارات في حمام السباحة مشاهد من فيديو كليب ومش حقيقية ودي فلوس ورق ودي مش مشكلة، وربنا يزيد الناس كلها".
تصرفات محمد رمضان
وأكملت: "ما ينفعش الناس تعد على بعض كل حاجة، وفي الآخر كل واحد حر في تصرفاته والنجوم العالميين بيعملوا زي محمد رمضان، وأنا السوشيال ميديا بالنسبة لي ساحة حرب مش حقيقية".
