محمد رمضان لـ عبير صبري: اللي مايتعاملش معاكي بلطف يبقى مبيفهمش
رد الفنان محمد رمضان على تصريحات الفنانة عبير صبري والتي أشادت خلالها بالتزامه وانضباطه وتعامله مع كل الناس بلطف.
وكتب محمد رمضان ردا على هذه التصريحات عبر صفحته على موقع التواصل الاجتماعي فيس بوك قائلا: "يا عبير اللي مايتعاملش معاكي بلطف شديد يبقى مابيفهمش".
وكانت الفنانة عبير صبري كشفت عن رأيها في إلقاء الفنان محمد رمضان الدولارات في الأرض وحمام السباحة وتصرفاته بعيدًا عن التمثيل.
شخصية محمد رمضان
وقالت عبير صبري خلال لقائها ببرنامج "مصر جديدة" الذي تقدمه إنجي أنور بقناة "إي تي سي": "خلال كواليس مسلسل "موسى" لقيت محمد رمضان شخصية محترمة جدًّا وملتزمة ومنضبطة في التصوير ومحبة للناس اللي حواليها وصبور وبيتعامل بلطف شديد".
اختلاف البشر
وتابعت: "أي إنسان ممكن يعمل حاجة مخالفة لأفكار غيره قد يثير الجدل وليس محمد رمضان فقط، والطبيعي إننا نكون مختلفين".
فيديو كليب
ولفتت: "مفيش مشكلة إن محمد رمضان يثير الجدل، وإلقاؤه الدولارات في حمام السباحة مشاهد من فيديو كليب ومش حقيقية ودي فلوس ورق ودي مش مشكلة، وربنا يزيد الناس كلها".
تصرفات محمد رمضان
وأكملت: "ما ينفعش الناس تعد على بعض كل حاجة، وفي الآخر كل واحد حر في تصرفاته والنجوم العالميين بيعملوا زي محمد رمضان، وأنا السوشيال ميديا بالنسبة لي ساحة حرب مش حقيقية"
