التهامي لهاني شاكر: "إحنا أسامينا لها تاريخ.. وبترد على شاكوش وبيكا ومتردش عليا"؟!|فيديو
![محمود التهامي وهاني](images/no.jpg)
هاجم الشيخ محمود التهامي، نقيب المنشدين، نقابةَ الموسيقيين على خلفية وقفِه عن العمل بعد اتهامه بإثارة أزمة في محافظة أسوان.
أزمة حفل أسوان
وقال "التهامي" خلال لقائه ببرنامج "آخر النهار" الذي يقدمه الإعلامي محمد الباز بقناة "النهار": "نقابة الموسيقيين تتهمني بإثارة أزمة ومشكلات في محافظة أسوان بتاريخ 27 ديسمبر 2020، وأنا في الأساس لم أذهب إلى المحافظة، لا في هذا اليوم ولا حتى في هذا الشهر".
وثيقة نقابة الموسيقيين
وتابع: "الوثيقة اللي بتقول إني كنت في أسوان وأنى سددت إيصالًا لإحياء احتفالية في أسوان غير صحيحة ومزورة".
براءة ياسين التهامي
ولفت: "نقابة الموسيقيين لسه لحد دلوقتي مش مستوعبين يعني إيه كلمة إيقاف، وطلبت من الفنان هاني شاكر يجيب الناس اللي أنا هددتهم، وعملت معاهم أزمة في أسوان علشان أثبت براءتي ومفيش حد رد عليا".
عدد المنشدين في مصر
وأشار: "إحنا 7 آلاف منشد لو تقدم 4 آلاف منشد للاختبار في نقابة الموسيقيين، وكل واحد يدفع 1700 جنيه رسوم النقابة هتجمع مبلغًا كبيرًا، ولكن النقابة مش عايزانا".
عقاب هاني شاكر
وتابع: "الفنان هاني شاكر غلط في حق نفسه، وأنا هعاقبه، وكلمة يعاقبني دي متصحش لأني من بيت وعائلة كبيرة، وهاخد حقي منه بالقانون".
مشروع نقابة المنشدين
وأكد: "قرار إيقافي عن العمل بسبب إني واقف وراء مشروع قانون نقابة المنشدين، والمشروع في البرلمان وصل إن نقابة الموسيقيين تقدمت بما يفيد أن الإنشاد جزء من الغناء، وأنا تقدمت بأن الإنشاد مستقل عن الغناء، وفي النهاية البرلمان سيد قراره".
مشكلة نقابة الموسيقيين
وتابع: "نقابة الموسيقيين قالوا لي أنت الوحيد اللي قدرت تدخل البرلمان، وتحاول تعمل قانون وتنفصل عن نقابة الموسيقيين بعلاقاتك ومحبينك، وأنا قلت لهم إيه المشكلة، فقالوا لي إحنا مش هنسيبها كده".
رسالة التهامي لهاني شاكر
ووجَّه "التهامي" رسالة لنقيب الموسيقيين هاني شاكر، قائلًا: "بيحاول يشوش على اسمي وميعرفش إن أسامينا غالية أوي وتعبنا فيها وعملنا تاريخ، ومش هنسمح لحد يعاقبنا أو يشوه صورتنا".
وأكمل: "هاني شاكر بيرد على شاكوش وبيكا ومش عايز يرد عليا، إحنا اسامينا لها تاريخ".
وقال محمود التهامي، نقيب المنشدين: "أنا هتكلم في حاجة مهمة.. ودي أول مرة أتكلم في التفاصيل، وهي أزمة نقابة المهن الموسيقية".
وأضاف في منشور عبر صفحته الرسمية لنقابة المهن الموسيقية ادعت عليه زورًا وباطلًا إني كنت في حفل في محافظة أسوان وأنا ما كنتش في أسوان في هذا التوقيت، وأثبت أني ما كنتش في أسوان في هذا التوقيت وكلمنا نقابة المهن الموسيقية إن اللي بيحصل ده لا يليق بالنقابة ولا بينا واحنا كبار وما ينفعش بعض الموظفين يزوروا باطل ويدعو ضدنا هذا الأمر.
وأكمل: "كان المفروض نقيب الموسيقيين ياخد إجراء جاد يليق بينا وبه وبتاريخ النقابة وأنا قعدت سنة بالأدب وبالذوق أناشد، يا جماعة أنا ما كنتش في محافظة أسوان في هذا التوقيت، وده تزوير من نقابة المهن الموسيقية في حقي وإجرام علشان خاطر خلافات خاصة بأمور تانية (مناقشة قانون نقابة المنشدين بمجلس النواب) كان نفسي نقيب الموسيقيين يدخل ويوقف المهزلة اللي حاصلة دي من موظفي النقابة.
ويكبر ويعرف قيمتنا وقيمة المنشدين والفنانين، ولكن للأسف لم يفرد لنا الوقت اللي أفرده للمهرجانات وكل شوية النقيب هاني شاكر طالع لنا مع حمو بيكا وحسن شاكوش وعمر كمال.. يا عم إحنا منشدين والله والبلد بتتشرف بينا.. ولنا تاريخ ولنا أصول والعالم بيتشرف بينا.. معلش يعني خد من وقتك شوية وحقق، شوف الموظف المزور اللي ادعى علينا باطلًا، هو عاوز إيه".
وأكد التهامي، أن "نقابة المهن الموسيقية خالفت اللائحة، لما يبقى عضو عامل عنده مشكلة يعمل إيه؟!، يبعتله إنذار واحد، يبعتله إنذار اتنين، وبعد كده يحوله للتحقيق.. لا تم إيقاف محمود التهامي لمشكلة في أسوان بدون تحقيق، ولما طلبنا من النقابة أنهم يبعتوا يجيبوا الناس بتوع أسوان على حسابي الشخصي.. حصل نوع من التعنت".