"ليه بتحاول تشوه سمعتها؟".. اعترافات قاتل نيرة أشرف تثير الجدل بين النشطاء
"ليه بتحاول تشوه سمعتها.. لما هي كده كنت متمسك بها ليه"، كلمات أطلقها نشطاء مواقع التواصل الاجتماعي، بعد الاعترافات التي أدلى بها قاتل نيرة أشرف أمام المحكمة، متسائلين عن سبب تمسك القاتل بها في حالة صحة اعترافاته.
ليه بتشوه سمعتها
وتصدر هاشتاج "نيرة أشرف" تريند مصر علي تويتر، بعد اعترافات القاتل أمام المحكمة، حيث تفاعل نشطاء مواقع التواصل الاجتماعي في مصر والعالم العربي مع الهاشتاج، مشيرين إلى وجود أمور لا تصدق في اعترافات قاتل نيرة أشرف، مؤكدين أن اعترافات القاتل تؤكد أنه قتلها مع سبق الإصرار والترصد.
قال صالح فواز "طب اشمعنى دلوقت بتحاول تشوه سمعتها؟ طب لما هى فيها كل ده.. كان متمسك بيها ليه؟ لما هى كده كنت عاوز تتجوزها ليه؟.وكل دى مش مبررات تخفف عنك العقوبة لأنك رايح لها وشايل سلاح.. كده سبق إصرار وترصد وكده إن شاء الله إعدام #نيره_اشرف"
مش لاقي حاجة يقولها
وعلق ناجي حسن قائلًا: "قتلها قدام الناس ولما فاق لنفسه ولقي إنه هيواجه حكم الإعدام مش لاقي حاجة غير إنه يطعن في شرفها وأخلاقها... #نيره_اشرف"
وأضاف أكرم أحمد قائلًا: "مش لازم كل جريمة أصلها ظالم 100٪ ومظلوم 100٪ ممكن الاتنين ظالمين بس واحد فيهم أسوأ فى الظلم من التاني #نيرة_أشرف"
ورد أزد البتال " #نيره_اشرف والله يا إخوان حاولت أتعاطف معه اثناء استجوابه لأنه في مصيبة كبرى ولم أستطع، كنت متوقع إني اشوف شخص منهار وندمان على فعله، ورأيت العكس، يبتسم ولم يبد أي ندم ومتماسك وكأنه لم يفعل شيئا! نسأل الله السلامة."
وقال محمود أحمد " كل اللي هو بيقوله ده ما هو إلا محاولة مستميتة عشان يشوه صورة نيرة عشان الرأي العام يميل شوية ناحيته وده كلام... وياريت الناس متنجرفش ورا المحاولات دي وتتعاطف معاه هو يستحق الإعدام ع اللي عمله وع عواقب اللي عمله اللي هتحصل #نيرة_أشرف"
القاتل يضحك
وأضاف كوكو هوني "القاتل بيضحك انا عم افكر بأهل نيره كيف قادرين يشوفه ويسمعوه وهو بيدمر سمعتها بعد ما دبحها #نيرة_أشرف"
وعلق سعد سعود قائلًا: " مهما يقول ومهما كان المحامي شاطر ممكن يحاول يأخر الحكم عليه لكن بالنهاية... قتلها بدم بارد ولو كل الأدلة ثبتت إن كلامه صحيح ما يكفي القتل العمد مع سبق الإصرار والترصد في القانون المصري... #نيرة_أشرف ويصبر قلب أمها"
ورد زيكو ثنكنج فقال "واضح مريض نفسي وعقله الباطن كان يصور له أي حركة منها تقصده #نيرة_أشرف"
أما غادة محمد فقالت: " مش مكفيه إنه قتل البنت لا وكمان بيشوه سمعتها بكلام... واضح اوي أنه بيكدب وكل كلامه هري ياخي حسبي الله ونعم الوكيل فيك.. الإعدام في ميدان عام وياريت لو في نفس مكان الحادثة عشان يكون عبرة لاي... يفكر يعمل كده في بنات الناس #نيرة_أشرف"
وقال هانكر أونلي " يعني فوق ما ذبحتها جاي الحين تشوه سمعتها حسبي الله ونعم الوكيل فيك حسبي الله ونعم الوكيل #نيرة_أشرف"
أما عادل طه سلام فعلق قائلًا: " قاتل #نيرة_اشرف أمام المحكمة" مش عايز اقول كلام عليها عشان ميبقاش حرام عليا" الله اكبر ماشاء الله الكلام حرام لكن القتل عادي مش حرام!!؟ حسبي الله ونعم الوكيل #نيره_اشرف"
تشويه سمعة
وقالت دنيا معوض "المجرم قتلها ف الدنيا وحتي بعد ما راحت مستمر ف انتهاك عرضها وسمعتها وتشويهها!!! بجد ربنا يكون ف عون أمها وأبوها وهما قاعدين بيسمعوه #نيره_اشرف.. المجرمين اللي بيبرروا القتل هما نفس المجرمين اللي بيبرروا الابتزاز هما نفس المجرمين اللي بيبرروا السرقة وكل الجرايم.. الناس دي هما اللي بيدوا المجرم غطاء يعيش ويكمل ف اجرامه وسط مجتمعنا.. خلوا بالكم الناس دي اخطر من المجرم نفسه"
ورد أحمد اتز قائلًا: "اساءه السمعه أو تشويه السمعه هى اصغر فعل من أفعال الشخصيه النرجسيه الموتورة فى حال تعرض للرفض واخرها هو القتل.. طبعا النرجسي بيكون واعى لكل تصرفاته وأفعاله.. الرفض بيفكره بطفولته السيئة #نيرة_أشرف"
وقال مودي عمر "القاتل يطعن في شرف بنت الي قتلها ظنا منه أنه كدا عمل الصح، ده لو بنت شغاله في بيت... محدش له حق يستحل دمها ويقتلها بالوحشيه دي، حسبي الله ونعم الوكيل في اي شخص برر قتل نيره... #نيره_اشرف"
