حورية فرغلي: أبويا كلمني من الكويت يباركلي علي الجواز|فيديو
كشفت الفنانة حورية فرغلي، حقيقة ما تردد علي مواقع التواصل الإجتماعي، حول ارتباطها ودخولها في قصة حب.
حقيقة ارتباط حورية فرغلي
وأوضحت خلال مداخلة هاتفية ببرنامج "كلام الناس" المذاع علي قناة "ام بي سي مصر"::"أبويا كلمني من الكويت يبارك لي علي الزواج، وقاللى حورية كده تتجوزي من ورايا، قولتله أنا اتجوزت فين؟، فقاللى علي التريند بيقولوا إنك عايشة قصة حب، فقلت له ياريت يا بابا، لأ طبعا مفيش أي ارتباط، ولو فيه حد في حياتي وفيه تجربة عاطفية أول حد هيعرف جمهوري وهكون فخورة بالشخص اللى هكون معاه وهسعى إن الناس تعرفه".
موقف حورية فرغلي من الزواج
وأكدت حورية فرغلي :"الباب مفتوح علي مصرعيه بالنسبة للزواج، واتمنى ارتبط بشخص يحبني وأحبه".
وقالت الفنانة حورية فرغلي: "اتجوزت 3 شهور وملحقتش أتعرض للخيانة، وكنت مخطوبة وكان حب عمري ومات قبل فرحي بيوم، ولما جيت مصر ماما كانت عايزة تطلعني من الحالة النفسية اللي أنا فيها وبقيت أروح معاها النادي واتعرفنا على بعض وتقدم للزواج مني واتجوزنا بس مكنش بينا قصة حب وانفصلنا علطول بس إحنا لسه أصحاب وبيحلف بالبامية بتاعتي، وهو اتجوز وخلِّف وأنا مبسوطة بيه".
الحب لدى حورية فرغلي
وتابعت خلال لقائها ببرنامج "حبر سري" المذاع على قناة "القاهرة والناس": "في سن معين بكون عايزة أحب وأتحب لأن الحب زي الهواء، بس أنا للأسف بعيدة عن الحكاية دي بقالي كتير، حتى مابتعاكسش في الشارع".
عمليات التجميل لحورية فرغلي
وأضافت حورية فرغلي: "هيجي وقت وجمالي هيروح وهقعد في البيت فالروح هي اللي هتبقى موجودة، وأنا من النوع اللي مش هشد وأنفخ فعايزة لما أبطل تمثيل يبقى عندي عائلة ونصي التاني اللي هقضي حياتي معاه".
اعتزال التمثيل
ولفتت: "في دماغي اعتزال التمثيل ولكن مش دلوقتي، وبسبب كلام الناس وتنمرهم عليا وهجومهم بسبب مناخيري كنت هبطل تمثيل".
وقالت الفنانة حورية فرغلي في حديث سابق: "لم أندم على أي عمل فني شاركت فيه، وخلال مشاهدتي لأعمالي القديمة أركز في النظر لأنفي قبل إجراء عملية جراحية فيها".
