11 يوما على الضمور الكلي.. النشطاء يستغيثون بمشاهير الفن والرياضة لإنقاذ رقية
أطلق نشطاء مواقع التواصل الاجتماعي صرخات استغاثة لإنقاذ الطفلة رقية بعلاجها من مرض ضمور العضلات، وذلك من خلال حقنة تعطى لها في النخاع الشوكي قبل أن تبلغ عامها الثاني بعد 11 يومًا، حتي لا تصل لمرحلة الضمور الكلي للعضلات، لكن الحقنة باهظة الثمن حيث يبلغ ثمنها 40 مليون جنيه، استغاثات الأب والنشطاء تواصلت لليوم الثالث على التوالي عبر مواقع التواصل الاجتماعي مطالبين بإنقاذ حياة الطفلة رقية.
انقذوا حياة رقية
ودشن نشطاء مواقع التواصل الاجتماعي هاشتاج بعنوان "#أنقذوا_حياة_رقية"، الذي تصدر التريند عبر مواقع التواصل، ليتفاعل معه عدد كبير من نشطاء مواقع التواصل في مصر والعالم العربي، وقام النشطاء بكتابة مئات التغريدات باللغة العربية والإنجليزية للمساعدة في إنقاذ الطفلة رقية، التي تعاني من ضمور العضلات الشوكي وتحتاج لعلاجها "حقنة" بـ40 مليون جنيه قبل أن تكمل عامها الـ2 بعد أقل من 11 يومًا.
وطالب النشطاء مشاهير الفن والرياضة بالمشاركة في التبرع لإنقاذ رقية، وخاصة بعد أن وصل مبلغ التبرع إلى 25 مليون جنيه، حسبما أكد بعض نشطاء مواقع التواصل الاجتماعي.
مرض مالهوش علاج
وتفاعل الفنان محمد هنيدي مع هاشتاج أنقذوا حياة رقية، وكتب هنيدي تغريدة على تويتر قال فيها: "القمر دي اسمها رقية.. رقية عندها مرض اسمه ضمور العضلات.. مرض مالهوش علاج .. إلا علاج واحد بس.. حقنة لازم تاخدها قبل ما تتم سنتين.. المشكلة إن فاضل عشرة أيام.. ورقية تتم سنتين وكل ما الوقت بيعدي.. فرص رقية بتبقى أقل .. اتبرع بأي مبلغ مهما كان.. هيساعد إننا ننقذ مستقبل وحياة رقية"
وعلق مصطفى فارس بلا جواد قائلًا: "رقية مريضة ضمور عضلات شوكي وده نوع من بين اكتر من ٦٠ نوعا من أنواع مرضى ضمور العضلات وأطفال وشباب كل يوم بيموتوا بسبب مضاعفات المرض ده ومحدش سائل فينا حتى اأانواع اللي ظهر لها علاجات زي الشوكي والدوشين العلاجات بملايين كتير وربنا يلطف بينا جميعا #انقذوا_حياة_رقيه".
المبلغ وصل 25 مليون
وقال أحمد فتحي "والد رقية أعلن ان المبلغ وصل ٢٥ مليون، يعني زاد ١٥ مليون من امبارح للنهاردة، أي حد قادر يساعد ميتأخرش ولو بشير او ببوست تكتبه عندك عنها لعل وعسي تكون سبب إن غيرك يعرف القصة ويتبرع، إن شاء الله مكملين لحد ما المبلغ يتجمع. #انقذوا_حياة_رقية".
وأضاف محمد عاطف مجيد قائلًا: "#انقذوا_حياة_رقية الأيام بتخلص وما زال المبلغ المطلوب من أجل علاج رقية لم يكتمل رقية هي طفلة لم تتم العامين تعاني من ضمور في العضلات يتطلب علاج بحقنة تمنها يفوق الـ ٢ مليون دولار حملة جمع التبرعات مستمرة اللي يقدر يساعد يساعد ماديا أو بالنشر، لعلها المنجية..".
رسالة لمحمد صلاح
ووجه عمر الجندي رسالة لمحمد صلاح قائلًا: " بقولك يا نجم محمد صلاح فى بنت متبقى لها ايام بسيطة وتصاب بضمور كلى فى العضلات لو ما اخدتش العلاج قبل تمامها سن السنتين الحقنه تمنها ٤٠ مليون والناس كلها بتساعد و بتتبرع لانقاذ رقيه نستأذنك تساهم ولو براتب شهر يساعد فى انقاذ حياتها ربنا لا يكتبها على احبائك #انقذوا_حياة_رقيه".
أما محمود حسن فقال: "هما ليه لعيبه الكوره والفنانين اللي بيقبضوا ملايين، مفيش حد منهم عايز يتبرع لرقيه. لان المبلغ كبير جدا، فين محمد صلاح والنني وتريزيجيه من الموضوع ده، لازم حد يتبرع لان فاضل ١٠ ايام علي ميعاد الحقنه اللي تمنها ٤٠مليون جنيه. #انقذوا_حياة_رقيه".
فيما قال محمد فارس طمان "حياة طفلة ممكن تكون بنتك او اختك او قريبتك. حقنة واحدة قادرة تنقذ حياتها وكل لحظة تأخير يعني فرصة ضايعة لإنقاذها. اتمنى كل برامج التوك شو في مصر تدعم الهاشتاج وتساعد في جمع التبرعات وكل المشاهير في اي مجال يكون لهم دور في ان انقاذ حياة رقية في اسرع وقت".
قوة السوشيال ميديا
وأضافت هناء "رقية عندها مرض اسمه ضمور العضلات.. مرض ماله علاج إلا علاج واحد بس، حقنة لازم تاخدها قبل ماتتم سنتين.. باقي ٨ أيام ورقية تتم سنتين وكل ما الوقت بيعدي.. فرص رقية بتبقى أقل.. تبرع بأي مبلغ مهما كان.. راح يساعد إننا ننقذ مستقبل وحياة رقية".
أما بلال طه فقال:"آن الأوان لإستخدام السوشيال ميديا أمثل استخدام في قضية تستحق كل الاهتمام والدعم #انقذوا_حياة_رقيه".
وعلق حسين محمد قائلًا: "طول عُمرنا بنستخدم السوشيال ميديا فـ الرياضة والكورة ولما بنعمل هشتاجات على تويتر بتكون تقريبًا لـنفس الغرض وفـ النهاية دي حاجة ترفيهية دلوقتي أن الآوان إننا نستفيد من قوة السوشيال فـ إننا نخدم الإنسانية ونعمل حاجة تنفعنا فـيوم أعمالنا بس هي اللي هتنجينا قدام ربنا #انقذوا_حياة_رقيه".
وردت مريم بدر قائلة: "ربنا يشفيكي يا روحي وترجعي احسن بامر الله.. اي حاجه بتعملها حتي لو كانت بسيطه من وجهة نظرك اوعي تتأخر وشارك في انقاذ ملاك وبإذن الله ربنا قادر يحول آلامها وتعبها لفرح من تاني وترجع تعيش حياتها #انقذوا_حياة_رقيه".
وقال محمد مرزوق:"رقية بنوتة وحيدة ابوها وامها قدر ربنا أنها تصاب بمرض نادر يصيب طفل من كل ١٠٠٠٠ طفل بيتولدوا المرض ده اسمه ضمور العضلات الشوكي " علاجه اغلى علاج على مستوى العالم حقنة سعرها 40 مليون جنيه ولازم تاخدها قبل ما تكمل سنتين وقدامها 11 يوم بس واحنا في تحدي ننقذ رقية #انقذوا_حياة_رقية".
