بعد إعلان محمد الشوربجي اللعب باسم إنجلترا.. النشطاء يكشفون السر
احتل اسم محمد الشوربجي، لاعب الإسكواش والمصنف الأول عالميًا، تريند مصر على تويتر، بعد إعلانه قرار اللعب باسم إنجلترا وليس باسم مصر في المحافل الدولية للعبة، كما اأار حالة من الحزن بين نشطاء مواقع التواصل الاجتماعي.
سر إعلان محمد الشوربجي
ودشن نشطاء مواقع التواصل الاجتماعي هاشتاجين أحدهما باسم "الشوربجي"، والآخر باسم "محمد الشوربجي"، لكشف السر وراء إعلان محمد الشوربجي، حيث أكد أحد لاعبي الإسكواش أن الشوربجي لم يتخذ قراره باللعب لإنجلترا إلا بعد محاربة الاتحاد المصري للإسكواش للشوربجي منذ 2003، حسبما ذكر زياد سالم، في الوقت الذي أكد آخرون أنه يمكن أن يعود للعب مرة أخري باسم مصر وأن قوانين اللعبة تسمح بذلك.
فقال أحمد حسام ميدو " ايه يا جماعه قصة #الشوربجي بطل الاسكواش اللي خد قرار انه يلعب باسم إنجلترا؟ هو القانون في الإسكواش يسمح بكده؟".
ورد محمد سمير قائلًا: "هو معاه الجنسيتين والقانون في اللعبة مش بيمانع إن ده يحصل. حصلت قبل كده بيتر نيكول من أسكتلندا لإنجلترا في 2001".
السر في الاتحاد
وعلق زياد سالم قائلًا: " انا لعيب إسكواش بقالي ١٤ سنة وشاهد علي كل حاجة حصلت، لما مفيش حد في بلدك يديلك اي اهتمام وبالعكس يحاربوك طول السنين دي كلها فمن حقه ياخد قرار زي ده".
وتابع زياد سالم " والموضوع ملوش علاقة خالص بالفلوس ولا بالرعاية، إحنا معندناش حقوق رعاية محترمة في مصر أصلا، والموضوع بدايته من ٢٠٠٣ مش دلوقتي، محمد الشوربجي من ساعة ما بدأ إسكواش وهو بيتحارب من الاتحاد المصري. وبعدين علي فرج ومصطفي عسل لا يقارنوا بالشوربجي، الشوربجي من أساطير اللعبة".
وأضاف زياد: "اكتر حاجة الواحد مضايق منها في موضوع الشوربجي إن الناس افتكرت ان عندها اسطورة إسكواش اسمه محمد الشوربجي، طب الاهتمام ده كله مجاش ليه وهو رقم واحد علي العالم وواخد اكتر من ٥٠ بطولة دولية باسم مصر؟؟ حزين اوي علي اللى وصلنا ليه، حزين اوي".
هنحاسب مين
وقال أبو عمر 74 ك "هنحاسب مين إحنا بقى؟ مين كبش الفداء اللي هيشيل الجريمة دي؟ ذنب الواد ده في رقبة مين؟ الإجابة في الآخر صفر... والناس بتنسى مع مرور الوقت وربنا يعوض علينا".
ورد هتلر قائلًا: "مش كده على فكرة هو لو في بطولة مقامة حاليا يلعب بأسم إنجلترا بعد البطولة ما تخلص وعايز يلعب البطولة الجاية باسم مصر يلعب عادي قانون اللعبة بيسمح بكده".
أما أيمن شوقي فقال:"والله بتفهم يا ميدو إحنا بقينا في الرياضة صفر كبير الرياضة المصرية بقت مصالح شخصية ماجتش عليه وبعدين الرياضة المصرية مبقاش فيها أخلاق حتي".
وعلق محمد منصور قائلًا: "قبل القانون نشوف أسبابه اللي خليته يعمل كده ونشتغل عليها عشان متكررش مع اللاعبين وخصوصا إن دي اللعبة الوحيدة اللي فيها إنجاز دوللي مستمر".
اهتمام الدولة
وقالت مها ماهر "أعلن الاتحاد الإنجليزى للإسكواش أن محمد الشوربجي المصنف الأول عالميا تحول ولاؤه إلى إنجلترا ليلعب باسم المنتخب الإنجليزي.. تعرفوا ليه هو عمل كده علشان لعيبة الإسكواش من ولاد وبنات بيحصلوا علي المراكز الأولي عالميا في جميع البطولات ولكن لا أحد يهتم بيهم من الدولة ولا حد بيقدرهم".
وعلق مراد علي قائلًا: "#محمد_الشوربجي الذي تصدر التصنيف العالمي 50 شهرًا والذي فاز بـ 44 بطولة دولية يقرر ترك تمثيل #مصر والانتقال إلى تمثيل #إنجلترا. قبل أن نتهمه بالخيانة، كم منا يتمنى الحصول على جنسية أخرى...".
وردت يُسر شعراوي قائلة: "محمد الشوربجي حيمثلإنجلترا بدل مصر في البطولات الدولية للإسكواش بعد كدا… ليه كده يا ابني ليه."
وقال كريم العربي " يا جماعة الخير... الإسكواش لعبة مش منتشرة عالميا وغير مدرجة في الأولمبياد ومصر هي اللي مسيطرة عليها تماما واللي عملوا محمد الشوربجي لا هو عيب ولا هو حرام ولا هو ممنوع لا قانونيا ولا دوليا ولا محليا ولا أي حاجة يعني الراجل لن يقوم بأي خطأ ولا جريمة".
وأضاف محمود " مستغرب ومتفاجئ من قرار محمد الشوربجي المصنف الثالث عالميا في الإسكواش والأول سابقا في التراجع عن تمثيل مصر في البطولات وتمثيل إنجلترا.. أمر مثير جدا.. أعرف أن اللاعب يحمل الجنسية البريطانية منذ عمره 15 سنة ولكن ما سر هذا التحول الكبير؟"
