أهلاوي ولا زملكاوي.. عبد الستار صبري يجيب | فيديو
قال عبد الستار صبري نجم منتخب مصر السابق: "وأنا صغير روحت اختبارات النادي الأهلي وبعدها روحت اختبارات الزمالك وموفقتش".
ناشئين المقاولون العرب
وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"لما روحت ناشئين نادي المقاولون العرب اتعرض عليا الأهلي والزمالك بس انا مرضتش أروح لأي فريق منهم".
حب الخطيب
وأضاف:"وأنا صغير كنت بحب الكابتن محمود الخطيب وباتفرج علي الماتشات علشانه وكنت احب اشوف طريقة لعبه واحبه يكسب، ودي ملهاش علاقة بانتمائي للأهلي أو الزمالك، ولو كان الخطيب في الزمالك كنت هاشجعه".
الفرق بين الخطيب وصالح سليم
وكشف عبد الستار صبري، عن رأيه في الفرق بين صالح سليم والخطيب في ادارة شئون النادي الأهلي، قائلا: "الكابتن الخطيب اتعلم الإدارة من الكابتن صالح سليم، والاتنين كاريزما، ولكن في النواحى الإدارية صالح سليم جامد جدا وكان ياخد القرار علطول وساعتها ويطلع صح، انما بيبو بيفكر ويتعاون مع المجلس".
توقيع عبد الستار صبري للأهلي
ولفت: "صالح سليم هو اللى سفرني برة وخلاني احترف في النمسا وعملى أول عقد احتراف واكن زي الوكيل بتاعي، وعملى حاجات كتير أوي وأبرملي عقد بشكل قوي وانا مكنتش فاهم حاجة وقاللى لو حبيت ترجع النادي الأهلى فهو بيتك في أي وقت، ووقعت للنادي الأهلى وقتها بس وقتها فكرت في الاحتراف الخارجي".
وقال عبد الستار صبري نجم منتخب مصر السابق، في نفس اللقاء: "موسيماني مظلمش محمود كهربا، واللاعب في الفترة الأخيرة ما كانش ملتزم".
انتهاء مشوار كهربا مع الأهلي
وأضاف: "كهربا اللي ظلم نفسه في النادي الأهلي، ومشواره مع الأهلي انتهى خلاص".
التزام اللاعبين
وتابع: "أنا بقول للاعب الكرة أن أهم حاجة لازم تكون عند الالتزام ودي اللي هتخليك تكون متواجد بشكل أساسي ومستواك بيتطور".
احتراف شيكابالا
ولفت: "شيكابالا لو كان كمل في الاحتراف كان هيكسر الدنيا علشان لاعب حريف ومميز وكان هيبقى حاجة كبيرة، وكان ماشي بشكل كويس في باوك اليوناني ولكن هو فضل يرجع لأنه من النوعية اللي ما بتحبش الغربة".
