دينا الشربيني تكشف مواصفات فتى أحلامها.. ورأيها في أغنية "برج الحوت" | فيديو
قالت الفنانة دينا الشربيني: "الست اللي ترتبط براجل علشان فلوسه مش ذكية خالص والحب أهم من الفلوس بكتير".
حب دينا الشربيني
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "ما بقولش إن الفلوس مش مهمة ولكن ساعات الفلوس بتبوظ، وفكرة إننا نبقى عايشين من بني آدم علشان فلوسه يا فرحتي بالفلوس هعمل بيها إيه، والمقياس هو الحب لإنه أحلى حاجة، وكمان الرضا ده أحلى حاجة، والفلوس بالنسبة لي علشان لو فيه كوارث وربنا هو الحامي".
أغنية برج الحوت
وبسؤالها: "تضايقي لو ارتبطتِ بواحد وشغلك برج الحوت؟"، علقت دينا الشربيني: "أتضايق ليه، مفيش حاجة تضايقني، بس أنا دلوقتِ حاسة إني محتاجة أركز في شغلي، والحب والارتباط محدش بيعمله خطة ولكني مركزة في شغلي".
مواصفات فتى أحلام دينا الشربيني
ولفتت: "ما عنديش مواصفات في الشخص اللي أرتبط بيه، والأخلاق أهم حاجة في الشخص ويكون بيراعي ربنا في اللي قدامه ويكون كويس مع أهله وحنين ويطبطب على اللي منه، ويكون دمه خفيف".
وقالت الفنانة دينا الشربيني، في نفس اللقاء إنها لم تسمع عن نفي المطرب عمرو دياب أن أغنية "برج الحوت" كانت لها ولا تعرف القصة من الأساس.
رأي دينا الشربيني في عمرو دياب
وتابعت: "عمرو دياب راجل عظيم وبحترمه وبحبه جدًّا ولكن أنا مش عايزة أرد بالنيابة عنه".
سؤال عمرو دياب
وأضافت: "أنا بحاول طول الوقت أكون نفسي، واللي عايز يعرف قصة الأغنية يسأل عمرو دياب نفسه ما يسألنيش أنا".
فوبيا دينا الشربيني
وفي وقت سابق، علقت الفنانة دينا الشربيني، خلال برومو حلقتها ببرنامج "أدينا بندردش" مع شيرين عرفة، الذي يعرض على حسابها الشخصي على"إنستجرام"، لأول مرة عن انفصالها عن المطرب عمرو دياب.
وقالت دينا الشربيني: "لو أنا ما كنتش شخص إيجابي بجد أنا كنت انتهيت، وبقيت عندي فوبيا إني أقول حاجة فالناس تترجمها على شخص معين".
العنف ضد المرأة
وأضافت: "عمر ما عشت في ظل راجل، فكرة إن حد يضرب ست دي بتموتني".
وعلقت الفنانة دينا الشربيني على تجربتها في في "سكاي دايفينج" ببرنامج "نجوم السما"، قائلة: "كنت بدعي ربنا يكرمني.. والسنة دي ربنا كرمني".
سكاي دايفينج دينا الشربيني
وأضافت خلال مداخلة هاتفية ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "لما عملت سكاي دايفينج شفت مصر بشكل تاني من فوق".
خوف دينا الشربيني
وتابعت: "انبسطت بطريقة غير عادية لما عملت سكاي دايفينج، أنا كان عندي خوف من الأماكن المرتفعة، ولما عملت سكاي دايفينج كانت تجربة مرعبة بس ممتعة".
