دينا الشربيني تكشف قصة تعرضها للخيانة من صديقتها | فيديو
كشفت الفنانة دينا الشربيني: "صاحبتي خانتني وسامحتها بس الثقة العمياء اللي كانت بينا خلاص ما بقتش موجودة".
تعرض دينا الشربيني للخيانة
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لما اكتشفت خيانة صاحبتي ليا اتضايقت منها لأن أنا شايفة إن أي علاقة سواء حب أو زواج أو خطوبة وارتباط ممكن تخلص لكن أنا شايفة إن الصداقة ما ينفعش تخلص، والصديق زي الأخ والعلاقة معاه المفترض تكون زي الأبد".
حزن دينا الشربيني
ولفتت: "واجهت الخيانة زمان، وعرفت إن حد كنت مرتبطة بيه بيخوني وقتها بكيت وعشت حالة حزن ودموع ولحد دلوقتِ لما أكون متضايقة لازم أسمع نكد".
أغنية تعشقها دينا الشربيني
وأشارت: "أغنية "عليكي عيون" لأحمد سعد بتأثر فيَّ جدًّا مع إنها حب وغرام بس الموسيقي بتاعتها بتخليني أعيط".
وقالت الفنانة دينا الشربيني، في نفس اللقاء إنها لم تسمع عن نفي المطرب عمرو دياب أن أغنية "برج الحوت" كانت لها ولا تعرف القصة من الأساس.
رأي دينا الشربيني في عمرو دياب
وتابعت: "عمرو دياب راجل عظيم وبحترمه وبحبه جدًّا ولكن أنا مش عايزة أرد بالنيابة عنه".
سؤال عمرو دياب
وأضافت: "انا بحاول طول الوقت أكون نفسي، واللي عايز يعرف قصة الأغنية يسأل عمرو دياب نفسه ما يسألنيش أنا".
فوبيا دينا الشربيني
وفي وقت سابق، علقت الفنانة دينا الشربيني، خلال برومو حلقتها ببرنامج "أدينا بندردش" مع شيرين عرفة، الذي يعرض على حسابها الشخصي على"إنستجرام"، لأول مرة عن انفصالها عن المطرب عمرو دياب.
وقالت دينا الشربيني: "لو أنا ما كنتش شخص إيجابي بجد أنا كنت انتهيت، وبقيت عندي فوبيا إني أقول حاجة فالناس تترجمها على شخص معين".
العنف ضد المرأة
وأضافت: "عمر ما عشت في ظل راجل، فكرة إن حد يضرب ست دي بتموتني".
وعلقت الفنانة دينا الشربيني على تجربتها في في "سكاي دايفينج" ببرنامج "نجوم السما"، قائلة: "كنت بدعي ربنا يكرمني.. والسنة دي ربنا كرمني".
سكاي دايفينج دينا الشربيني
وأضافت خلال مداخلة هاتفية ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "لما عملت سكاي دايفينج شفت مصر بشكل تاني من فوق".
خوف دينا الشربيني
وتابعت: "انبسطت بطريقة غير عادية لما عملت سكاي دايفينج، أنا كان عندي خوف من الأماكن المرتفعة، ولما عملت سكاي دايفينج كانت تجربة مرعبة بس ممتعة".
وأكملت دينا الشربيني: "اتفرجت على الحلقة بتاعت السكاي دايفينج، وكنت بضحك".
