عصام الحضري يكشف حقيقة "جاميكا" وقصة لعب البلياردو مع البنات | فيديو

قال عصام الحضري مدرب حراس مرمى منتخب مصر: "والدي كان بيحرق لي هدومي اعتراضًا منه على لعبي الكرة والانصراف عن الدراسة، ودا كان بيزعلني جدًّا ودموعى كانت بتنزل مني، لكن أمي كانت بتدعمني وتقف معايَ وتداري عليَّ وأنا بروح ألعب كرة".
 

لعب البلياردو مع البنات

وأضاف خلال الجزء الثاني من لقائه ببرنامج "العرافة" المذاع علي قناة "المحور": "كنت بروح ألعب بلياردو مع بنات بس أنا نيتي كانت سليمة وما عملناش حاجة غلط".

بنات عصام الحضري

وأضاف “الحضري”: "بناتي كلهم مخطوبين ومفيش إلا واحدة بس شايان عمرها 8 سنين ومش حقيقي إني كنت عايز بنتي تتجوز لاعب كرة".

حقيقة جاميكا

وتابع: "جاميكا دي اللي طلعها المستشار مرتضى منصور وأنا بحبه وبقدره وطلعها عليَّ بسبب تألقي أمام نادي الزمالك لما كنت حارس مرمى، إنما أنا مش مخاوي جن اسمه جاميكا، ولو كدا كنا كسبنا بطولة أمم افريقيا 2017 وصعدنا كأس العالم 2022".
 

وكشف عصام الحضري مدرب حراس مرمى منتخب مصر، في نفس اللقاء، كواليس جديدة عن أحداث مباراة السنغال في العاصمة داكار.
 

شحن الجماهير السنغالية

وقال: "قبل مباراة السنغال في داكار رأينا حالة شحن كبير ضد منتخب مصر بلاعبيه وجهازه الفني والإداري والطبي".
 

الاعتداء على الحراس

وأضاف: "لما جينا نسخن في الملعب لقينا زجاج مياه وطوب بيتحدف علينا، وأنا بسخن الحراس ما كنتش بشوف الكورة من كتر ما الليزر كان متسلط علينا، كمية الليزر كانت بتغطي اللاعيبة، والفانلات الحمراء بتاعتنا لونها تحول للأخضر".
 

موقف غربال ومراقب المباراة

وتابع: "اتكلمنا مع حكم المباراة مصطفى غربال قال لنا الموضوع كله مع المراقب ولما روحنا للمراقب قال لنا هبطل الليزر ونوقف حدف الطوب وزجاجات المياه".

وأكمل: "كانت هناك آلاف من الليزر في ملعب السنغال، ولو كلمنا الحكم يوقف الماتش كان هيحطنا تحت ضغط ويعملنا مشكلة، وقلنا لمصطفى غربال على زجاجات المياه اللي اتحدفت عليه ومعملش حاجة".

سبب إخفاق محمد صلاح

وأشار: "الشناوي لما صد ركلة الجزاء مكنش الليزر مسلط عليه بشكل مكثف إنما محمد صلاح وهو بيشوط ضربة الجزاء كل الليزر كان ضارب في وشه وده أثر في تسديده للكورة، وأنا بمران الحراس أثر فيَّ".
 

سباب وشتائم جماهير السنغال

ولفت: "الإذاعة الداخلية لملعب السنغال كانت بتشحن الجماهير، وما كناش متوقعين إن الأجواء دي في الملعب وتعرضنا لألفاظ وسباب من أول ما دخلنا في المطار".
 

تسجيلات لعصام الحضري يغازل فتاة مكسيكية.. ومدرب حراس المنتخب يرد | فيديو

الحضري: ممكن أكون مدربا لحراس مرمى الأهلي

وأوضح: "علشان نوصل الملعب من الفندق استغرق مننا ساعتين ودي عمرها ما تحصل، ووصلنا الملعب قبل الماتش بساعة ودي حاجة غريبة واللاعب ما يلحقش يلبس ولا يسخن ولا يعمل إطالات، وطول الطريق واحنا ماشيين في اتجاهنا للملعب زحام فوق ما يمكن تصوره، وكان فيه فندق قريب للملعب بحوالي 10 دقايق وبسبب منتخب السنغال رفضوا".
 

طلب محمد صلاح

وأكد: "محمد صلاح طلب يسدد ركلة الجزاء الأولى أمام السنغال".