هل توافق على عودة حلا شيحة للتمثيل مجددا؟ نقيب الممثلين يجيب|فيديو
قال الدكتور أشرف زكي نقيب الممثلين:"أنا غلطت لما وافقت على عودة حلا شيحة، ولو هي شايفة إن الفن حرام خلاص متتكلمش وفيه ناس اعتزلت في هدوء، ومفيش بعد شادية".
جملة الفن حرام
وأضاف خلال لقائه ببرنامج "العرافة" المذاع علي قناة "المحور": "محدش يقول الفن حرام علشان لما يرجع ميبقاش شكله وحش".
عضوية الفنانات المعتزلات
وتابع: "الفنانات المعتزلات بيظلوا أعضاء في نقابة المهن التمثيلية حسب رغبتهم، ولكننا مش هنقبل إن حد يقول الفن حرام وبعد شوية يرجع".
قسوة حلا شيحة علي الفنانين
وأكمل: "مش إحنا اللى قاسيين علي حلا شيحة هي اللى كانت قاسية علينا، وزمايلها لا يستحقوا منها ما فعلته ضدهم، ولو هي عايزة تنسحب برغبتها، ولكن تصرفها مع تامر حسني كان غريب ومينفعش تاخد الفلوس ومتكملش".
رفض عودة حلا شيحة
وتابع: "حلا شيحة انسانة طيبة وأخت غالية وعزيزة ولكن خلافنا في اهانة المهنة وضرب الزملاء، ولو قررت العودة للتمثيل مجددا قراري سيكون واضح برفض وجودها ومنعها".
وأكد: "من مس كيان مصر قمنا بشطبه من عضوية نقابة المهن التمثيلية".
وقال الدكتور أشرف زكي نقيب المهن التمثيلية، في نفس اللقاء: "اليوتيوبر أحمد وجيه اللى أهان الفنانة منى زكي بيتحاكم في المحكمة، وأعلنت الحرب على ورش التمثيل الوهمية".
بلاغ ضد منتجين
وأضاف: "تقدمت ببلاغ ضد 3 منتجين امتنعوا عن سداد أجور الفنانين بعد التصوير".
بلاغ أسامة عباس
ولفت: "البلاغ اللى قدمته ضد منتحل صفة الفنان أسامة عباس في النيابة العامة، وفيه واحد عامل حساب فيس بوك باسمي بيكلم الناس وبياخد فلوس وبيدي مواعيد للبنات باسمي، وشغال وكسب ملايين، وأنا معنديش فيس بوك".
مباحث الإنترنت
وتابع: "أنا كل يوم في مباحث الإنترنت ولما بتأخر عنهم يوم بيقلقوا وبيقولولي أنت فين وانا بشكرهم لأنهم متحملين أعباء كبيرة جدا".
